மொழிபெயர்ப்புகள்
22 மொழிகளில் திருக்குறள்
எட்டாம் அட்டவணை மொழிகளில் CICT-இன் மொழிபெயர்ப்புகளுடன் 1,330 குறள்கள். அதிகாரத்தையும் மொழியையும் தேர்ந்தெடுக்க.
திருக்குறள் கற்றல் துணைவனிடம் கேட்க →
காமத்துப்பால் · Love › களவியல் · The Pre-marital love
109. தகை அணங்குறுத்தல் · The Pre-marital love
அணங்குகொல் ஆய்மயில் கொல்லோ கனங்குழைமாதர்கொல் மாலும்என் நெஞ்சு.
அடர்ந்த, அழகிய கூந்தலையுடைய இப்பெண் இங்கு வாழும் தெய்வமகளோ? தேர்ந்தெடுத்த மயிலோ? அல்லது ஒரு மானுடப் பெண்ணோ? யாரென்று முடிவுசெய்ய இயலாது என் நெஞ்சம் மயங்கும்.
நோக்கினாள் நோக்கெதிர் நோக்குதல் தாக்கணங்குதானைக்கொண் டன்ன துடைத்து.
பேரழகுகொண்ட இவள் என் நோக்கிற்கு எதிர்நோக்குதல், தானே தாக்கித் துன்புறுத்தக்கூடிய தெய்வமகள் படையையும் உடன் அழைத்து வந்ததுபோலும் தன்மையை உடையது.
பண்டறியேன் கூற்றென் பதனை இனியறிந்தேன்பெண்டகையால் பேரமர்க் கட்டு.
கூற்று என்று சொல்லப்படுவதை நான் முன்னாட்களில் பிறர் கூறக் கேட்டு அறிந்திருக்கிறேன்; பார்த்து அறிந்ததில்லை. இப்பொழுதுதான் பார்த்து அறிகிறேன். அது பெண்ணுக்குரிய பண்புகளுடன் பெரிய கண்களையும் உடையதாகும்.
கண்டார் உயிருண்ணும் தோற்றத்தால் பெண்டகைப்பேதைக்கு அமர்த்தன கண்.
பெண்ணுக்குரிய பண்புகளுடன்கூடிய இவளுக்குக் கண்கள் தம்மைக் கண்டவரின் உயிரை உண்ணும் தோற்றத்துடன் மாறுபட்டு அமைத்திருந்தன.
கூற்றமோ கண்ணோ பிணையோ மடவரல்நோக்கமிம் மூன்றும் உடைத்து.
என்னைத் துன்புறுத்தலால் கூற்றமோ? என்னைப் பார்த்தலால் கண்ணோ? வெருவுதல் உடைமையால் மானோ? என்னால் உண்மையை அறிய இயலவில்லை. இப்பெண்ணது கண்களின் நோக்கம் இம்மூன்று தன்மைகளும் பெற்றதாய் உள்ளது.
கொடும்புருவம் கோடா மறைப்பின் நடுங்கஞர்செய்யல மன்இவள் கண்.
கொடும்புருவங்கள் செம்மை உடையனவாய் மறைத்தால் அவற்றையும் தாண்டி இவள் கண்கள் எனக்கு நடுங்கச்செய்யும் துயரத்தைத் தரமாட்டா.
கடாஅக் களிற்றின்மேற் கட்படாம் மாதர்படாஅ முலைமேல் துகில்.
இப்பெண்ணின் சாய்தலற்ற முலைகளின்மேல் போடப்பட்ட துகில் மதங்கொண்ட களிற்றின்மேலிட்ட கண்ணை மறைக்கும் முகபடாத்தினை ஒக்கும்.
ஒண்ணுதற் கோஒ உடைந்ததே ஞாட்பினுள்நண்ணாரும் உட்குமென் பீடு.
போர்க்களத்திற்கு வராத பகைவரும் வந்தவர் கூறுவதைக் கேட்டு அஞ்சுகின்ற என் வலிமை இப்பெண்ணின் ஒள்ளிய நுதலையும் தாங்க இயலாது அழிந்துவிட்டது.
பிணையேர் மடநோக்கும் நாணும் உடையாட்குஅணியெவனோ ஏதில தந்து.
மானையொத்த மடநோக்கையும், நாணத்தையும் உடையவளாகிய இவளுக்குத் தக்கவையாகிய இவ்வணிகள் அமைந்திருக்க, வேற்றுமையுடைய வேறு அணிகலன்கள் என்ன பயன் உடையவை?
உண்டார்கண் அல்லது அடுநறாக் காமம்போல்கண்டார் மகிழ்செய்தல் இன்று.
மது அதனை உண்ணுவார்க்கு மட்டும் மகிழ்ச்சியைத்தருவது அல்லாமல் காமம்போலக் கண்டார்க்கு மகிழ்ச்சியைத் தருவது அன்று.
அதிகாரங்கள்
1.கடவுள் வாழ்த்து2.வான்சிறப்பு3.நீத்தார் பெருமை4.அறன் வலியுறுத்தல்5.இல்வாழ்க்கை6.வாழ்க்கைத் துணைநலம்7.மக்கட்பேறு8.அன்புடைமை9.விருந்தோம்பல்10.இனியவை கூறல்11.செய்ந்நன்றியறிதல்12.நடுவு நிலைமை13.அடக்கம் உடைமை14.ஒழுக்கம் உடைமை15.பிறனில் விழையாமை16.பொறையுடைமை17.அழுக்காறாமை18.வெஃகாமை19.புறங்கூறாமை20.பயனில சொல்லாமை21.தீவினையச்சம்22.ஒப்புரவறிதல்23.ஈகை24.புகழ்25.அருளுடைமை26.புலால் மறுத்தல்27.தவம்28.கூடா ஒழுக்கம்29.கள்ளாமை30.வாய்மை31.வெகுளாமை32.இன்னா செய்யாமை33.கொல்லாமை34.நிலையாமை35.துறவு36.மெய்யுணர்தல்37.அவா அறுத்தல்38.ஊழ்39.இறைமாட்சி40.கல்வி41.கல்லாமை42.கேள்வி43.அறிவுடைமை44.குற்றங்கடிதல்45.பெரியாரைத் துணைக்கோடல்46.சிற்றினம் சேராமை47.தெரிந்து செயல்வகை48.வலியறிதல்49.காலமறிதல்50.இடனறிதல்51.தெரிந்து தெளிதல்52.தெரிந்து வினையாடல்53.சுற்றந் தழால்54.பொச்சாவாமை55.செங்கோன்மை56.கொடுங்கோன்மை57.வெருவந்த செய்யாமை58.கண்ணோட்டம்59.ஒற்றாடல்60.ஊக்கம் உடைமை61.மடி இன்மை62.ஆள்வினை உடைமை63.இடுக்கண் அழியாமை64.அமைச்சு65.சொல்வன்மை66.வினைத் தூய்மை67.வினைத்திட்பம்68.வினை செயல்வகை69.தூது70.மன்னரைச் சேர்ந்து ஒழுகல்71.குறிப்பறிதல்72.அவை அறிதல்73.அவை அஞ்சாமை74.நாடு75.அரண்76.பொருள் செயல்வகை77.படை மாட்சி78.படைச் செருக்கு79.நட்பு80.நட்பாராய்தல்81.பழைமை82.தீ நட்பு83.கூடா நட்பு84.பேதைமை85.புல்லறிவாண்மை86.இகல்87.பகை மாட்சி88.பகைத்திறம் தெரிதல்89.உட்பகை90.பெரியாரைப் பிழையாமை91.பெண்வழிச் சேறல்92.வரைவின் மகளிர்93.கள்ளுண்ணாமை94.சூது95.மருந்து96.குடிமை97.மானம்98.பெருமை99.சான்றாண்மை100.பண்புடைமை101.நன்றியில் செல்வம்102.நாணுடைமை103.குடிசெயல் வகை104.உழவு105.நல்குரவு106.இரவு107.இரவச்சம்108.கயமை109.தகை அணங்குறுத்தல்110.குறிப்பறிதல்111.புணர்ச்சி மகிழ்தல்112.நலம் புனைந்து உரைத்தல்113.காதற் சிறப்புரைத்தல்114.நாணுத் துறவுரைத்தல்115.அலர் அறிவுறுத்தல்116.பிரிவு ஆற்றாமை117.படர்மெலிந் திரங்கல்118.கண் விதுப்பழிதல்119.பசப்புறு பருவரல்120.தனிப்படர் மிகுதி121.நினைந்தவர் புலம்பல்122.கனவுநிலை உரைத்தல்123.பொழுதுகண்டு இரங்கல்124.உறுப்புநலன் அழிதல்125.நெஞ்சொடு கிளத்தல்126.நிறையழிதல்127.அவர்வயின் விதும்பல்128.குறிப்பறிவுறுத்தல்129.புணர்ச்சி விதும்பல்130.நெஞ்சொடு புலத்தல்131.புலவி132.புலவி நுணுக்கம்133.ஊடலுவகை
மொழிபெயர்ப்புகள் © செம்மொழித் தமிழாய்வு மத்திய நிறுவனம், சென்னை · CC BY 4.0 · திருக்குறள் பன்மொழிச் செயலியாகவும் கிடைக்கிறது
