Translations
Thirukkural in 22 languages
All 1,330 couplets with CICT's translations into the languages of the Eighth Schedule. Choose a chapter and a language.
காமத்துப்பால் · Love › கற்பியல் · The Post-marital love
123. பொழுதுகண்டு இரங்கல் · Lamentations at Eventide
மாலையோ அல்லை மணந்தார் உயிருண்ணும்
வேலைநீ வாழி பொழுது.
வேலைநீ வாழி பொழுது.
மாலைப்பொழுதே, நீ வாழ்வாயாக! முன்னாட்களில் காதலரோடு கூடியிருந்தபோது வந்த மாலைப்பொழுது ஆகமாட்டாய். காதலரைப் பிரிந்த மகளிர் உயிரை உண்ணும் வேல் ஆவாய்.
புன்கண்ணை வாழி மருள்மாலை எம்கேள்போல்
வன்கண்ண தோநின் துணை.
வன்கண்ண தோநின் துணை.
மயங்கும் மாலைப்பொழுதே, நீ வாழ்வாயாக! நீயும் எங்களைப்போன்று ஒளியற்று இருக்கின்றாய். உன் துணையும் எங்களுடைய துணைவரைப்போலக் கொடிய மனம் கொண்டதோ?
பனிஅரும்பிப் பைதல்கொள் மாலை துனிஅரும்பித்
துன்பம் வளர வரும்.
துன்பம் வளர வரும்.
காதலரோடு கூடியிருந்த நாட்களிலெல்லாம் என்முன்னால் நடுங்கிக்கொண்டு பசந்துவந்த மாலை, இப்போது பிரிவால் உயிர்வாழ்தலின் வெறுப்புவந்த காலத்தில் நாளுக்குநாள் துன்பம் மிக வருகின்றது.
காதலர் இல்வழி மாலை கொலைக்களத்து
ஏதிலர் போல வரும்.
ஏதிலர் போல வரும்.
காதலரோடு நான் கூடியிருந்தபோதெல்லாம் எனக்குப் புத்துயிர் அளித்த மாலை இப்போது கொலைக்களத்தில் அருளற்றார் அவ்வுயிரைப் பறிப்பதற்கு வருமாறுபோல் வருகின்றது.
காலைக்குச் செய்தநன்று என்கொல் எவன்கொல்யான்
மாலைக்குச் செய்த பகை?
மாலைக்குச் செய்த பகை?
நான் காலைக்குச் செய்த உதவி யாது? மாலைக்குச் செய்த துன்பம் யாது? தன்னோடொத்த காலைப்பொழுதுபோலல்லாமல் மாலைப்பொழுது தன் கொடுமையால் என்னை வருத்துவது ஏன்?
மாலைநோய் செய்தல் மணந்தார் அகலாத
காலை அறிந்த திலேன்.
காலை அறிந்த திலேன்.
காதலரோடு கூடியிருந்தபோதெல்லாம் எனக்கு இன்பம் அளித்த மாலை, இன்று இவ்வாறு துன்பம் செய்தலைக் காதலர் பிரிந்து செல்வதற்குமுன் நான் அறிந்திருக்கவில்லை.
காலை அரும்பிப் பகலெல்லாம் போதாகி
மாலை மலரும்இந் நோய்.
மாலை மலரும்இந் நோய்.
இக்காமமாகிய பூ காலைப்பொழுதில் அரும்பிப் பகற்பொழுதெல்லாம் பேரரும்பாய் முதிர்ந்து, மாலைப்பொழுதில் மலரும். (பூவைப்போன்று இக்காமநோயும் காலத்திற்குக் கட்டுப்பட்டுள்ளது.)
அழல்போலும் மாலைக்குத் தூதாகி ஆயன்
குழல்போலும் கொல்லும் படை.
குழல்போலும் கொல்லும் படை.
முன்பெல்லாம் இனிதாய் இருந்த ஆயன்குழல், இப்போது தீயைப்போலச் சுடுவதாய், மாலைக்குத் தூதாகி வந்து, என்னைக் கொல்லும் படை ஆகியது.
பதிமருண்டு பைதல் உழக்கும் மதிமருண்டு
மாலை படர்தரும் போழ்து.
மாலை படர்தரும் போழ்து.
திங்கள் மருளும்வகையில் மாலை வரும்போது, இவ்வூரெல்லாம் மயங்கி நோயால் துன்புறும்.
பொருள்மாலை யாளரை உள்ளி மருள்மாலை
மாயும்என் மாயா உயிர்.
மாயும்என் மாயா உயிர்.
காதலர் பிரிவைத் தாங்கிக்கொண்டு, இறந்துபோகாதிருந்த என் உயிர், இன்று பொருளியல்பே தமக்கு இயல்பாக உடையவரை எண்ணி, இம்மயங்கும் மாலையில் இறந்தது.
Chapters
1. கடவுள் வாழ்த்து2. வான்சிறப்பு3. நீத்தார் பெருமை4. அறன் வலியுறுத்தல்5. இல்வாழ்க்கை6. வாழ்க்கைத் துணைநலம்7. மக்கட்பேறு8. அன்புடைமை9. விருந்தோம்பல்10. இனியவை கூறல்11. செய்ந்நன்றியறிதல்12. நடுவு நிலைமை13. அடக்கம் உடைமை14. ஒழுக்கம் உடைமை15. பிறனில் விழையாமை16. பொறையுடைமை17. அழுக்காறாமை18. வெஃகாமை19. புறங்கூறாமை20. பயனில சொல்லாமை21. தீவினையச்சம்22. ஒப்புரவறிதல்23. ஈகை24. புகழ்25. அருளுடைமை26. புலால் மறுத்தல்27. தவம்28. கூடா ஒழுக்கம்29. கள்ளாமை30. வாய்மை31. வெகுளாமை32. இன்னா செய்யாமை33. கொல்லாமை34. நிலையாமை35. துறவு36. மெய்யுணர்தல்37. அவா அறுத்தல்38. ஊழ்39. இறைமாட்சி40. கல்வி41. கல்லாமை42. கேள்வி43. அறிவுடைமை44. குற்றங்கடிதல்45. பெரியாரைத் துணைக்கோடல்46. சிற்றினம் சேராமை47. தெரிந்து செயல்வகை48. வலியறிதல்49. காலமறிதல்50. இடனறிதல்51. தெரிந்து தெளிதல்52. தெரிந்து வினையாடல்53. சுற்றந் தழால்54. பொச்சாவாமை55. செங்கோன்மை56. கொடுங்கோன்மை57. வெருவந்த செய்யாமை58. கண்ணோட்டம்59. ஒற்றாடல்60. ஊக்கம் உடைமை61. மடி இன்மை62. ஆள்வினை உடைமை63. இடுக்கண் அழியாமை64. அமைச்சு65. சொல்வன்மை66. வினைத் தூய்மை67. வினைத்திட்பம்68. வினை செயல்வகை69. தூது70. மன்னரைச் சேர்ந்து ஒழுகல்71. குறிப்பறிதல்72. அவை அறிதல்73. அவை அஞ்சாமை74. நாடு75. அரண்76. பொருள் செயல்வகை77. படை மாட்சி78. படைச் செருக்கு79. நட்பு80. நட்பாராய்தல்81. பழைமை82. தீ நட்பு83. கூடா நட்பு84. பேதைமை85. புல்லறிவாண்மை86. இகல்87. பகை மாட்சி88. பகைத்திறம் தெரிதல்89. உட்பகை90. பெரியாரைப் பிழையாமை91. பெண்வழிச் சேறல்92. வரைவின் மகளிர்93. கள்ளுண்ணாமை94. சூது95. மருந்து96. குடிமை97. மானம்98. பெருமை99. சான்றாண்மை100. பண்புடைமை101. நன்றியில் செல்வம்102. நாணுடைமை103. குடிசெயல் வகை104. உழவு105. நல்குரவு106. இரவு107. இரவச்சம்108. கயமை109. தகை அணங்குறுத்தல்110. குறிப்பறிதல்111. புணர்ச்சி மகிழ்தல்112. நலம் புனைந்து உரைத்தல்113. காதற் சிறப்புரைத்தல்114. நாணுத் துறவுரைத்தல்115. அலர் அறிவுறுத்தல்116. பிரிவு ஆற்றாமை117. படர்மெலிந் திரங்கல்118. கண் விதுப்பழிதல்119. பசப்புறு பருவரல்120. தனிப்படர் மிகுதி121. நினைந்தவர் புலம்பல்122. கனவுநிலை உரைத்தல்123. பொழுதுகண்டு இரங்கல்124. உறுப்புநலன் அழிதல்125. நெஞ்சொடு கிளத்தல்126. நிறையழிதல்127. அவர்வயின் விதும்பல்128. குறிப்பறிவுறுத்தல்129. புணர்ச்சி விதும்பல்130. நெஞ்சொடு புலத்தல்131. புலவி132. புலவி நுணுக்கம்133. ஊடலுவகை
Translations © Central Institute of Classical Tamil, Chennai · CC BY 4.0 · Also available as the Thirukkural Multilingual App
