மொழிபெயர்ப்புகள்
22 மொழிகளில் திருக்குறள்
எட்டாம் அட்டவணை மொழிகளில் CICT-இன் மொழிபெயர்ப்புகளுடன் 1,330 குறள்கள். அதிகாரத்தையும் மொழியையும் தேர்ந்தெடுக்க.
திருக்குறள் கற்றல் துணைவனிடம் கேட்க →
அறத்துப்பால் · Virtue › துறவறவியல் · Ascetic Virtue
28. கூடா ஒழுக்கம் · Imposture
வஞ்ச மனத்தான் படிற்றொழுக்கம் பூதங்கள்ஐந்தும் அகத்தே நகும்.
வஞ்சம் நிறைந்த மனத்தினை உடையவனது மறைக்கப்பட்ட தீயொழுக்கத்தை அறிந்து உடம்பாய் அவனோடு கலந்து நிற்கின்ற பூதங்கள் ஐந்தும் தம்முள்ளே நகைசெய்யும்.
வானுயர் தோற்றம் எவன்செய்யும் தன்னெஞ்சம்தான்அறி குற்றப் படின்.
தான் குற்றமென்று அறிந்ததனிடம் ஒருவனது நெஞ்சு தாழ்ச்சி அடையுமானால் அவனுக்கு வான்போல் உயர்ந்த தவவேடமானது என்ன பயனைச் செய்யும்?
வலியில் நிலைமையான் வல்லுருவம் பெற்றம்புலியின்தோல் போர்த்துமேய்ந் தற்று.
மனத்தை அடக்கியாளும் ஆற்றல் இல்லாதவன், ஆற்றலுடையாரின் வேடத்தைக் கொள்ளுதல், பசு புலியின் தோலைப் போர்த்திக்கொண்டு, தனக்குரிய புல்லைவிட்டுப் பிறர்க்குரிய பைங்கூழை மேய்ந்தாற்போன்றது.
தவமறைந்து அல்லவை செய்தல் புதல்மறைந்துவேட்டுவன் புள்சிமிழ்த் தற்று.
ஒருவன் தவவேடத்தில் மறைந்திருந்து அறமல்லாத செயலைச்செய்தல், வேட்டுவன் புதரில் மறைந்திருந்து பறவைகளைப் பிடித்தல்போன்றது.
பற்றற்றேம் என்பார் படிற்றொழுக்கம் எற்றெற்றென்றுஏதம் பலவுந் தரும்.
தம்மைப் பற்று அற்றவரென்று சொல்லுவாரது தீயொழுக்கம் ‘என்ன செய்தோம், என்ன செய்தோம்’ என்று தாமே வருந்தும் வகையில் அவர்க்குப் பல துன்பங்களைக் கொடுக்கும்.
நெஞ்சின் துறவார் துறந்தார்போல் வஞ்சித்துவாழ்வாரின் வன்கணார் இல்.
உள்ளத்தால் துறவாதவர் துறவியர்போல் நடித்துப் பிறரை வஞ்சித்து வாழ்வாரைக் காட்டிலும் கொடிய மனம் கொண்டவர் உலகில் இல்லை.
புறங்குன்றி கண்டனைய ரேனும் அகங்குன்றிமூக்கிற் கரியார் உடைத்து.
குன்றியின் புறம்போன்று, செம்மை உடையவராய் வேடம் தரித்திருப்பவரானாலும், அதன் மூக்குப்போன்று, நெஞ்சம் இருண்டிருப்பவரை உடையது உலகம்.
மனத்தது மாசாக மாண்டார் நீராடிமறைந்தொழுகு மாந்தர் பலர்.
காமம், வெகுளி, மயக்கம்போன்ற குற்றங்கள் உள்ளத்தில் இருக்க, மாண்பு உடையவர்போல் நீராடித் தவமுடையார்போன்று மறைவாகச் செயல்படுவார் உலகில் மிகப்பலர்.
கணைகொடிது யாழ்கோடு செவ்விதுஆங் கன்னவினைபடு பாலால் கொளல்.
அம்பு, வடிவத்தால் வளையாது, அழகியதானாலும் செயலால் கொடியது. யாழ், கோட்டால் வளைந்ததாயினும் செயலால் சிறப்புடையது. அவ்வாறே, தவம்செய்வாரை நல்லவர், தீயவர் என்று முடிவுசெய்வது, அவரது வடிவத்தாலல்லாமல் செயலால் அமைதல் வேண்டும்.
மழித்தலும் நீட்டலும் வேண்டா உலகம்பழித்தது ஒழித்து விடின்.
தவம் மேற்கொள்ளும் துறவியர்க்குத் தலைமயிரை மழித்தலும், நீண்ட சடையாக வளர்த்தலும் வேண்டா; உயர்ந்தோர் இழித்துக் கூறும் தீயொழுக்கத்தை விட்டுவிடுவாராயின் அன்னார்க்கு எவ்வித வேடமும் தேவையில்லை.
அதிகாரங்கள்
1.கடவுள் வாழ்த்து2.வான்சிறப்பு3.நீத்தார் பெருமை4.அறன் வலியுறுத்தல்5.இல்வாழ்க்கை6.வாழ்க்கைத் துணைநலம்7.மக்கட்பேறு8.அன்புடைமை9.விருந்தோம்பல்10.இனியவை கூறல்11.செய்ந்நன்றியறிதல்12.நடுவு நிலைமை13.அடக்கம் உடைமை14.ஒழுக்கம் உடைமை15.பிறனில் விழையாமை16.பொறையுடைமை17.அழுக்காறாமை18.வெஃகாமை19.புறங்கூறாமை20.பயனில சொல்லாமை21.தீவினையச்சம்22.ஒப்புரவறிதல்23.ஈகை24.புகழ்25.அருளுடைமை26.புலால் மறுத்தல்27.தவம்28.கூடா ஒழுக்கம்29.கள்ளாமை30.வாய்மை31.வெகுளாமை32.இன்னா செய்யாமை33.கொல்லாமை34.நிலையாமை35.துறவு36.மெய்யுணர்தல்37.அவா அறுத்தல்38.ஊழ்39.இறைமாட்சி40.கல்வி41.கல்லாமை42.கேள்வி43.அறிவுடைமை44.குற்றங்கடிதல்45.பெரியாரைத் துணைக்கோடல்46.சிற்றினம் சேராமை47.தெரிந்து செயல்வகை48.வலியறிதல்49.காலமறிதல்50.இடனறிதல்51.தெரிந்து தெளிதல்52.தெரிந்து வினையாடல்53.சுற்றந் தழால்54.பொச்சாவாமை55.செங்கோன்மை56.கொடுங்கோன்மை57.வெருவந்த செய்யாமை58.கண்ணோட்டம்59.ஒற்றாடல்60.ஊக்கம் உடைமை61.மடி இன்மை62.ஆள்வினை உடைமை63.இடுக்கண் அழியாமை64.அமைச்சு65.சொல்வன்மை66.வினைத் தூய்மை67.வினைத்திட்பம்68.வினை செயல்வகை69.தூது70.மன்னரைச் சேர்ந்து ஒழுகல்71.குறிப்பறிதல்72.அவை அறிதல்73.அவை அஞ்சாமை74.நாடு75.அரண்76.பொருள் செயல்வகை77.படை மாட்சி78.படைச் செருக்கு79.நட்பு80.நட்பாராய்தல்81.பழைமை82.தீ நட்பு83.கூடா நட்பு84.பேதைமை85.புல்லறிவாண்மை86.இகல்87.பகை மாட்சி88.பகைத்திறம் தெரிதல்89.உட்பகை90.பெரியாரைப் பிழையாமை91.பெண்வழிச் சேறல்92.வரைவின் மகளிர்93.கள்ளுண்ணாமை94.சூது95.மருந்து96.குடிமை97.மானம்98.பெருமை99.சான்றாண்மை100.பண்புடைமை101.நன்றியில் செல்வம்102.நாணுடைமை103.குடிசெயல் வகை104.உழவு105.நல்குரவு106.இரவு107.இரவச்சம்108.கயமை109.தகை அணங்குறுத்தல்110.குறிப்பறிதல்111.புணர்ச்சி மகிழ்தல்112.நலம் புனைந்து உரைத்தல்113.காதற் சிறப்புரைத்தல்114.நாணுத் துறவுரைத்தல்115.அலர் அறிவுறுத்தல்116.பிரிவு ஆற்றாமை117.படர்மெலிந் திரங்கல்118.கண் விதுப்பழிதல்119.பசப்புறு பருவரல்120.தனிப்படர் மிகுதி121.நினைந்தவர் புலம்பல்122.கனவுநிலை உரைத்தல்123.பொழுதுகண்டு இரங்கல்124.உறுப்புநலன் அழிதல்125.நெஞ்சொடு கிளத்தல்126.நிறையழிதல்127.அவர்வயின் விதும்பல்128.குறிப்பறிவுறுத்தல்129.புணர்ச்சி விதும்பல்130.நெஞ்சொடு புலத்தல்131.புலவி132.புலவி நுணுக்கம்133.ஊடலுவகை
மொழிபெயர்ப்புகள் © செம்மொழித் தமிழாய்வு மத்திய நிறுவனம், சென்னை · CC BY 4.0 · திருக்குறள் பன்மொழிச் செயலியாகவும் கிடைக்கிறது
