Translations
Thirukkural in 22 languages
All 1,330 couplets with CICT's translations into the languages of the Eighth Schedule. Choose a chapter and a language.
Ask the Thirukkural study companion →
பொருட்பால் · Wealth › அரசியல் · Royalty
59. ஒற்றாடல் · Detectives
ஒற்றும் உரைசான்ற நூலும் இவையிரண்டும்தெற்றென்க மன்னவன் கண்.
ஒற்றரும், புகழ்பெற்ற அறநூலுமாகிய இரண்டும் தன் இரண்டு கண்களெனத் தெளிதல் வேண்டும்.
எல்லார்க்கும் எல்லாம் நிகழ்பவை எஞ்ஞான்றும்வல்லறிதல் வேந்தன் தொழில்.
அரசனுக்குரிய தொழில் எல்லாரிடமும் நிகழும் எல்லாவற்றையும் நாள்தோறும் ஒற்றரால் விரைந்து அறிதலாகும்.
ஒற்றினான் ஒற்றிப் பொருள்தெரியா மன்னவன்கொற்றங் கொளக்கிடந்தது இல்.
ஒற்றரால் எங்கும் நிகழ்வனவற்றை ஒற்றுவித்து, அவற்றால் அடையும் பயனை ஆராயாத அரசன், வெற்றிபெற வேறொரு வழியும் இல்லை.
வினைசெய்வார் தம்சுற்றம் வேண்டாதார் என்றாங்குஅனைவரையும் ஆராய்வது ஒற்று.
அரசரது வினைசெய்வார், சுற்றத்தார், பகைவர் என்று சொல்லப்படும் யாவரையும் சொல், செயல்களால் ஆராய்பவனே ஒற்றனாவான்.
கடாஅ உருவொடு கண்ணஞ்சாது யாண்டும்உகாஅமை வல்லதே ஒற்று.
ஒற்றப்பட்டார் பார்த்தால் அவர் ஐயமுறாத வடிவம்கொண்டு, அவர் உற்றுநோக்கும்போது அவர் கண்களுக்கு அஞ்சாமல் அவர் எது செய்தாலும் மனத்துள் கொண்டவற்றை வெளியே சொல்லாத வல்லமைபெற்றவனே ஒற்றனாவான்.
துறந்தார் படிவத்த ராகி இறந்தாராய்ந்துஎன்செயினும் சோர்விலது ஒற்று.
முற்றும் துறந்தவரது வேடம்பூண்டு, புகுதற்கரிய இடங்களிலெல்லாம் புகுந்து ஆராய்ந்தறிந்து, பகைவர் ஐயமுற்றுப் பிடித்து எல்லாத் துன்பங்களையும் செய்தாலும் தன்னை வெளிப்படுத்தாதவனே ஒற்றனாவான்.
மறைந்தவை கேட்கவற் றாகி அறிந்தவைஐயப்பாடு இல்லதே ஒற்று.
ஒற்றப்பட்டார் மறைவாகச்செய்த செயல்களை அவர்களைச் சேர்ந்தவரிடமிருந்து கேட்கவல்லவனாய்க் கேட்டறிந்த செயல்களில் பின் ஐயப்படாமல் துணியவல்லவனே ஒற்றனாவான்.
ஒற்றொற்றித் தந்த பொருளையும் மற்றுமோர்ஒற்றினால் ஒற்றிக் கொளல்.
ஒற்றன் ஒருவன் ஒற்றிவந்து தெரிவித்த செய்தியையும் வேறோர் ஒற்றனால் ஒற்றுவித்து உண்மையைக் கண்டுகொள்ளல் வேண்டும்.
ஒற்றொற் றுணராமை ஆள்க உடன்மூவர்சொற்றொக்க தேறப் படும்.
ஒற்றர்களைக் கையாளும்போது ஒருவனை ஒருவன் அறியாமல் கையாள வேண்டும். ஒரு பொருள்பற்றி அம்மூவரும் சொல்லும் செய்தி ஒத்திருக்குமாயின் அதுவே உண்மையென்று தெளியப்படும்.
சிறப்பறிய ஒற்றின்கண் செய்யற்க செய்யின்புறப்படுத்தான் ஆகும் மறை.
மறைத்தவற்றை அறிந்து கூறிய ஒற்றனுக்குச் செய்யும் சிறப்பை அரசன் பிறர் அறியாமல் செய்தல் வேண்டும். பிறர் அறியச் செய்வானானால் மறைக்கப்படவேண்டியதைத் தானே வெளிப்படுத்தியவன் ஆவான்.
Chapters
1.கடவுள் வாழ்த்து2.வான்சிறப்பு3.நீத்தார் பெருமை4.அறன் வலியுறுத்தல்5.இல்வாழ்க்கை6.வாழ்க்கைத் துணைநலம்7.மக்கட்பேறு8.அன்புடைமை9.விருந்தோம்பல்10.இனியவை கூறல்11.செய்ந்நன்றியறிதல்12.நடுவு நிலைமை13.அடக்கம் உடைமை14.ஒழுக்கம் உடைமை15.பிறனில் விழையாமை16.பொறையுடைமை17.அழுக்காறாமை18.வெஃகாமை19.புறங்கூறாமை20.பயனில சொல்லாமை21.தீவினையச்சம்22.ஒப்புரவறிதல்23.ஈகை24.புகழ்25.அருளுடைமை26.புலால் மறுத்தல்27.தவம்28.கூடா ஒழுக்கம்29.கள்ளாமை30.வாய்மை31.வெகுளாமை32.இன்னா செய்யாமை33.கொல்லாமை34.நிலையாமை35.துறவு36.மெய்யுணர்தல்37.அவா அறுத்தல்38.ஊழ்39.இறைமாட்சி40.கல்வி41.கல்லாமை42.கேள்வி43.அறிவுடைமை44.குற்றங்கடிதல்45.பெரியாரைத் துணைக்கோடல்46.சிற்றினம் சேராமை47.தெரிந்து செயல்வகை48.வலியறிதல்49.காலமறிதல்50.இடனறிதல்51.தெரிந்து தெளிதல்52.தெரிந்து வினையாடல்53.சுற்றந் தழால்54.பொச்சாவாமை55.செங்கோன்மை56.கொடுங்கோன்மை57.வெருவந்த செய்யாமை58.கண்ணோட்டம்59.ஒற்றாடல்60.ஊக்கம் உடைமை61.மடி இன்மை62.ஆள்வினை உடைமை63.இடுக்கண் அழியாமை64.அமைச்சு65.சொல்வன்மை66.வினைத் தூய்மை67.வினைத்திட்பம்68.வினை செயல்வகை69.தூது70.மன்னரைச் சேர்ந்து ஒழுகல்71.குறிப்பறிதல்72.அவை அறிதல்73.அவை அஞ்சாமை74.நாடு75.அரண்76.பொருள் செயல்வகை77.படை மாட்சி78.படைச் செருக்கு79.நட்பு80.நட்பாராய்தல்81.பழைமை82.தீ நட்பு83.கூடா நட்பு84.பேதைமை85.புல்லறிவாண்மை86.இகல்87.பகை மாட்சி88.பகைத்திறம் தெரிதல்89.உட்பகை90.பெரியாரைப் பிழையாமை91.பெண்வழிச் சேறல்92.வரைவின் மகளிர்93.கள்ளுண்ணாமை94.சூது95.மருந்து96.குடிமை97.மானம்98.பெருமை99.சான்றாண்மை100.பண்புடைமை101.நன்றியில் செல்வம்102.நாணுடைமை103.குடிசெயல் வகை104.உழவு105.நல்குரவு106.இரவு107.இரவச்சம்108.கயமை109.தகை அணங்குறுத்தல்110.குறிப்பறிதல்111.புணர்ச்சி மகிழ்தல்112.நலம் புனைந்து உரைத்தல்113.காதற் சிறப்புரைத்தல்114.நாணுத் துறவுரைத்தல்115.அலர் அறிவுறுத்தல்116.பிரிவு ஆற்றாமை117.படர்மெலிந் திரங்கல்118.கண் விதுப்பழிதல்119.பசப்புறு பருவரல்120.தனிப்படர் மிகுதி121.நினைந்தவர் புலம்பல்122.கனவுநிலை உரைத்தல்123.பொழுதுகண்டு இரங்கல்124.உறுப்புநலன் அழிதல்125.நெஞ்சொடு கிளத்தல்126.நிறையழிதல்127.அவர்வயின் விதும்பல்128.குறிப்பறிவுறுத்தல்129.புணர்ச்சி விதும்பல்130.நெஞ்சொடு புலத்தல்131.புலவி132.புலவி நுணுக்கம்133.ஊடலுவகை
Translations © Central Institute of Classical Tamil, Chennai · CC BY 4.0 · Also available as the Thirukkural Multilingual App
