திருக்குறள் கற்றல் துணைவன்

நட்பு, சினம், கல்வி, உழைப்பு, வாய்மை என எந்தத் தலைப்பைப் பற்றியும் உங்கள் மொழியிலேயே கற்றல் துணைவனிடம் கேட்கலாம்; அதைப் பற்றிப் பேசும் குறள்கள் அவற்றின் மொழிபெயர்ப்பு, தமிழ் உரை, தமிழ் ஒலி வடிவம் ஆகியவற்றுடன் கிடைக்கும்.

உங்கள் வினாவுக்கு மிக நெருக்கமான குறள்கள்

1. குறள் 391 40. கல்வி
   கற்க கசடறக் கற்பவை கற்றபின்நிற்க அதற்குத் தக.
   Karka Kasatarak Karpavai Katrapin · Nirka Adharkuth Thaka
   தமிழ் உரை

   கற்கப்படும் நூல்களை ஒருவன் பழுதில்லாமல் கற்க வேண்டும்; அவ்வாறு கற்றதால் அக்கல்விக்கேற்ப, அந்நூல்கள் சொல்லுகின்ற நெறியில் நடத்தல் வேண்டும்.

   🔊கேட்கஇக்குறள் எல்லா மொழிகளிலும்
2. குறள் 399 40. கல்வி
   தாமின் புறுவது உலகின் புறக்கண்டுகாமுறுவர் கற்றறிந் தார்.
   Thaamin Puruvadhu Ulakin Purak · Kantu Kaamuruvar Katrarin Thaar
   தமிழ் உரை

   தாம் இன்பம் அடைதற்குக் காரணமாகிய கல்வியால் உலகத்தாரும் இன்பம் அடைதலால் கல்வியறிவு உடையார் மேலும் மேலும் கற்றலையே விரும்புவர்.

   🔊கேட்கஇக்குறள் எல்லா மொழிகளிலும்
3. குறள் 397 40. கல்வி
   யாதானும் நாடாமால் ஊராமால் என்னொருவன்சாந்துணையுங் கல்லாத வாறு.
   Yaadhaanum Naataamaal Ooraamaal Ennoruvan · Saandhunaiyung Kallaadha Vaaru
   தமிழ் உரை

   கற்றவனுக்குத் தன் நாடும், தன் ஊரும் மட்டுமன்றி, எந்த நாடும் அவன் நாடாகும்; எந்த ஊரும் அவன் ஊராகும். அவ்வாறிருக்கும்போது, ஒருவன் இறக்குமளவும் தொடர்ந்து கல்லாது நாட்களைக் கழிப்பது ஏன்?

   🔊கேட்கஇக்குறள் எல்லா மொழிகளிலும்
4. குறள் 395 40. கல்வி
   உடையார்முன் இல்லார்போல் ஏக்கற்றுங் கற்றார்கடையரே கல்லா தவர்.
   Utaiyaarmun Illaarpol Ekkatrung Katraar · Kataiyare Kallaa Thavar
   தமிழ் உரை

   செல்வர்முன் வறியவர் நிற்பதுபோன்று ஆசிரியர்முன் தாம் ஆசையால் தாழ்ந்திருந்து கற்றார் தலையாயவர். அவ்வாறு பணிந்திருத்தலுக்கு நாணம் கொண்டு கல்லாதவர் இழிந்தோராவர்.

   🔊கேட்கஇக்குறள் எல்லா மொழிகளிலும்
5. குறள் 398 40. கல்வி
   ஒருமைக்கண் தான்கற்ற கல்வி ஒருவற்குஎழுமையும் ஏமாப் புடைத்து.
   Orumaikkan Thaan Katra Kalvi · Oruvarku Ezhumaiyum Emaap Putaiththu
   தமிழ் உரை

   ஒருவனுக்கு ஒரு பிறவியில் கற்ற கல்வியானது ஏழு பிறவியிலும் சென்று உதவும்.

   🔊கேட்கஇக்குறள் எல்லா மொழிகளிலும்
6. குறள் 724 73. அவை அஞ்சாமை
   கற்றார்முன் கற்ற செலச்சொல்லித் தாம்கற்றமிக்காருள் மிக்க கொளல்.
   Katraarmun Katra Selachchollith Thaamkatra · Mikkaarul Mikka Kolal
   தமிழ் உரை

   பல்நூல்களையும் கற்றவர் அவையில் தாம் கற்றவற்றை அவர் மனம் கொள்ளுமாறு சொல்லி, அவற்றினும் சிறந்தவற்றை, அவற்றைக் கற்றாரிடமிருந்து அறிந்துகொள்ள வேண்டும்.

   🔊கேட்கஇக்குறள் எல்லா மொழிகளிலும்
7. குறள் 400 40. கல்வி
   கேடில் விழுச்செல்வம் கல்வி யொருவற்குமாடல்ல மற்றை யவை.
   Ketil Vizhuchchelvam Kalvi Yoruvarku · Maatalla Matrai Yavai
   தமிழ் உரை

   கல்வி ஒருவனுக்கு அழிவில்லாத சிறப்புடைய செல்வமாகும். மணியும் பொன்னும்போன்ற பிறவெல்லாம் செல்வம் ஆகா.

   🔊கேட்கஇக்குறள் எல்லா மொழிகளிலும்
8. குறள் 394 40. கல்வி
   உவப்பத் தலைக்கூடி உள்ளப் பிரிதல்அனைத்தே புலவர் தொழில்.
   Uvappath Thalaikkooti Ullap Piridhal · Anaiththe Pulavar Thozhil
   தமிழ் உரை

   யாவரையும் அவர் மகிழுமாறு சேர்ந்திருந்து, இனி இவரை எவ்வாறு காணப் போகிறோமென்று வருந்துமாறு பிரிதலாகிய தன்மை உடையது கற்றவர் தொழில்.

   🔊கேட்கஇக்குறள் எல்லா மொழிகளிலும்
9. குறள் 722 73. அவை அஞ்சாமை
   கற்றாருள் கற்றார் எனப்படுவர் கற்றார்முன்கற்ற செலச்சொல்லு வார்.
   Katraarul Katraar Enappatuvar Katraarmun · Katra Selachchollu Vaar
   தமிழ் உரை

   கற்றார் யாவரினும் இவர் தெளிவாகக் கற்றவரென்று உலகத்தாரால் சொல்லப்படுபவர், கற்றார் நிறைந்த அவையில் தாம் கற்றவற்றை அவர் மனம் கொள்ளுமாறு சொல்வார்.

   🔊கேட்கஇக்குறள் எல்லா மொழிகளிலும்
10. குறள் 396 40. கல்வி
    தொட்டனைத் தூறும் மணற்கேணி மாந்தர்க்குக்கற்றனைத் தூறும் அறிவு.
    Thottanaith Thoorum Manarkeni Maandharkkuk · Katranaith Thoorum Arivu
    தமிழ் உரை

    மணலில் கேணி தோண்டிய அளவு ஊறும்; அதுபோல், மக்களுக்கு அறிவு, கற்ற கல்வி அளவு பெருகும்.

    🔊கேட்கஇக்குறள் எல்லா மொழிகளிலும்
11. குறள் 393 40. கல்வி
    கண்ணுடையர் என்பவர் கற்றோர் முகத்திரண்டுபுண்ணுடையர் கல்லா தவர்.
    Kannutaiyar Enpavar Katror Mukaththirantu · Punnutaiyar Kallaa Thavar
    தமிழ் உரை

    கல்வியறிவு உடையவரே கண்ணுடையவர் என்று உயர்வாகச் சொல்லப்படுவார்கள்; கல்வியறிவு இல்லாதவர் முகத்தில் புண்கள் இரண்டை உடையவராகக் கருதப்படுவர்.

    🔊கேட்கஇக்குறள் எல்லா மொழிகளிலும்
12. குறள் 728 73. அவை அஞ்சாமை
    பல்லவை கற்றும் பயமிலரே நல்லவையுள்நன்கு செலச்சொல்லா தார்.
    Pallavai Katrum Payamilare Nallavaiyul · Nanku Selachchollaa Thaar
    தமிழ் உரை

    நல்லார் இருக்கும் அவையில் உயர்ந்தவற்றை அச்சத்தால் அவர் ஏற்குமாறு சொல்ல இயலாதவர் பல நூல்களைக் கற்றவராயினும் உலகிற்குப் பயன்படமாட்டார்.

    🔊கேட்கஇக்குறள் எல்லா மொழிகளிலும்
13. குறள் 729 73. அவை அஞ்சாமை
    கல்லா தவரின் கடையென்ப கற்றறிந்தும்நல்லா ரவையஞ்சு வார்.
    Kallaa Thavarin Kataiyenpa Katrarindhum · Nallaa Ravaiyanju Vaar
    தமிழ் உரை

    நூல்களைக் கற்றறிந்தும் நல்லவர் இருக்கும் அவைக்கு அஞ்சி அங்குச் சொல்ல இயலாதவரை உலகோர் கல்லாதவரினும் கடையரென்று பழிப்பார்கள்.

    🔊கேட்கஇக்குறள் எல்லா மொழிகளிலும்
14. குறள் 392 40. கல்வி
    எண்ணென்ப ஏனை எழுத்தென்ப இவ்விரண்டும்கண்ணென்ப வாழும் உயிர்க்கு.
    Ennenpa Enai Ezhuththenpa Ivvirantum · Kannenpa Vaazhum Uyirkku
    தமிழ் உரை

    எண்ணென்றும் எழுத்தென்றும் சொல்லப்படும் கலைகள் இரண்டும் சிறப்புடைய உயிர்களுக்குக் கண்கள் என்று கூறுவர்.

    🔊கேட்கஇக்குறள் எல்லா மொழிகளிலும்
15. குறள் 717 72. அவை அறிதல்
    கற்றறிந்தார் கல்வி விளங்கும் கசடறச்சொல்தெரிதல் வல்லார் அகத்து.
    Katrarindhaar Kalvi Vilangum Kasatarach · Choldheridhal Vallaar Akaththu
    தமிழ் உரை

    குற்றமில்லாமல் சொற்களை ஆராயும் ஆற்றல் உடையார் உள்ள அவையில் சொன்னால், பல நூல்களைக் கற்று அவற்றின் பயனை அறிந்தவரது கல்வி எல்லாருக்கும் விளங்கித் தோன்றும்.

    🔊கேட்கஇக்குறள் எல்லா மொழிகளிலும்
16. குறள் 408 41. கல்லாமை
    நல்லார்கண் பட்ட வறுமையின் இன்னாதேகல்லார்கண் பட்ட திரு.
    Nallaarkan Patta Varumaiyin Innaadhe · Kallaarkan Patta Thiru
    தமிழ் உரை

    நல்லாரிடம் நிற்கும் வறுமையினும் கல்லாரிடம் நிற்கும் செல்வம் கொடியது.

    🔊கேட்கஇக்குறள் எல்லா மொழிகளிலும்
17. குறள் 414 42. கேள்வி
    கற்றில னாயினுங் கேட்க அஃதொருவற்குஒற்கத்தின் ஊற்றாந் துணை.
    Katrila Naayinung Ketka Aqdhoruvarku · Orkaththin Ootraan Thunai
    தமிழ் உரை

    உயர்வான நூல்களை ஒருவன் தானே கற்கவில்லையானாலும் கற்றறிந்தார் சொல்லக் கேட்டல் வேண்டும்; அக்கேள்வியறிவு ஒருவனுக்குத் தளர்ச்சியேற்படும்போது பற்றுக்கோடாம் துணையாகும்.

    🔊கேட்கஇக்குறள் எல்லா மொழிகளிலும்
18. குறள் 409 41. கல்லாமை
    மேற்பிறந்தா ராயினும் கல்லாதார் கீழ்ப்பிறந்தும்கற்றார் அனைத்திலர் பாடு.
    Merpirandhaa Raayinum Kallaadhaar Keezhppirandhum · Katraar Anaiththilar Paatu
    தமிழ் உரை

    கல்லாதார் உயர்ந்த குடியில் பிறந்தவராயினும், தாழ்ந்தகுடியில் பிறந்து கற்றவரது பெருமையளவு பெருமை உடையவர் ஆக மாட்டார்.

    🔊கேட்கஇக்குறள் எல்லா மொழிகளிலும்
19. குறள் 725 73. அவை அஞ்சாமை
    ஆற்றின் அளவறிந்து கற்க அவையஞ்சாமாற்றங் கொடுத்தற் பொருட்டு.
    Aatrin Alavarindhu Karka Avaiyanjaa · Maatrang Kotuththar Poruttu
    தமிழ் உரை

    அவையினருக்கு அஞ்சாமல் அவர் எழுப்பும் வினாக்களுக்கு விடை தருதல்பொருட்டுச் சொல்லிலக்கண நெறியால் அளவை நூலைக் கற்றல் வேண்டும்.

    🔊கேட்கஇக்குறள் எல்லா மொழிகளிலும்
20. குறள் 727 73. அவை அஞ்சாமை
    பகையகத்துப் பேடிகை ஒள்வாள் அவையகத்துஅஞ்சு மவன்கற்ற நூல்.
    Pakaiyakaththup Petikai Olvaal Avaiyakaththu · Anju Mavankatra Nool
    தமிழ் உரை

    அவை நடுவில் அதனைக்கண்டு அஞ்சுவான் கற்ற நூல், பகைவர் நடுவில் அவரைக்கண்டு அஞ்சும் பேடி பிடித்த கூர்வாளுக்கு ஒப்பாகும்.

    🔊கேட்கஇக்குறள் எல்லா மொழிகளிலும்

உங்கள் சொற்கள், இந்த இணையதளத்தின் சொந்தத் திருக்குறள் மொழிபெயர்ப்புகளோடும் உரைகளோடும் பொருத்திப் பார்க்கப்படுகின்றன. கற்றல் துணைவன் தானாக எதையும் எழுதுவதில்லை; உங்கள் வினா இந்த இணையதளத்திலேயே இருக்கும். இதை 23 மொழிகளிலும் கட்டணமின்றிப் பயன்படுத்தலாம்.

மொழிபெயர்ப்புகள் © செம்மொழித் தமிழாய்வு மத்திய நிறுவனம், சென்னை · CC BY 4.0