লোল 22 দা তিরুক্কুরল

நான் வருந்துவது அறிந்து அது தீர்தற்குக் காதலர் விடுத்த தூதினை என்னிடம் கொண்டுவந்த கனவினுக்கு நான் விருந்தாக எதனைச் செய்வேன்?

உறங்காது வருந்துகின்ற என் கயல்போலும் மையுண்ட கண்கள் நான் வேண்டிக்கொண்டால் உறங்குமானால், கனவில் காதலரைக் காண்பேன்; கண்டால் அவரிடம் நான் எவ்வாறு காமநோய்க்குத் தப்பி, ஆற்றியுள்ளேன் என்பதை விரிவாகச் சொல்வேன்?

நனவில் வந்து இன்பம் தராதவரை, நான் கனவில் கண்ட காட்சியால் என் உயிர் நிலைத்திருக்கிறது.

நனவில் வந்து இன்பம் தராதவர்; பிரிந்துசென்றபோது என்னைத் தேடிவந்து கனவு தருதலால் எனக்கு இன்பம் கிடைக்கின்றது.

முன்பு நனவில் அவரைக் கண்டு பெற்ற இன்பம் அப்பொழுதே இனிதானது; இன்று கனவில் கண்டு பெற்ற இன்பமும் கண்டபொழுதே இனிதானது. ஆதலால், எனக்கு இரண்டும் ஒத்தன.

நனவென்று சொல்லப்படுகின்ற ஒரு கொடுமை இல்லையானால் கனவில் வந்து கூடிய காதலர் என்னைப் பிரிந்துசெல்லமாட்டார்.

ஒருபோதும் நனவில் வந்து இன்பம் தராத கொடியவர், நாள்தோறும் கனவில் வந்து என்னை வருத்துவது எக்காரணம் பற்றி?

காதலர் நான் உறங்கும்பொழுது வந்து என் தோளைத் தழுவியிருந்து பின் விழிக்கும்பொழுது விரைந்து என் நெஞ்சத்தை அடைவார். ஒருகாலும் அவர் என்னைவிட்டு நீங்கார்.

கனவில் காதலரைக் கண்டறியாத மகளிர், நனவில் வந்து இன்பம் தராத காதலரை அன்பற்றவர் என்று நொந்துகொள்வர்.

இவ்வூரிலுள்ள மகளிர் நனவில் என்னை என் காதலர் நீத்தாரென்று அவர்மீது பழிகூறுவர். கனவில் அவர் நீங்காது வருதலை அம்மகளிர் அறியமாட்டோரோ?