ᱛᱚᱨᱡᱚᱢᱟ ᱠᱚ
22 ᱯᱟᱹᱨᱥᱤ ᱛᱮ ᱛᱤᱨᱩᱠᱠᱩᱨᱚᱞ
ᱡᱚᱛᱚ 1,330 ᱠᱩᱨᱚᱞ, 8 ᱟᱱᱟᱜ ᱚᱱᱩᱥᱩᱪᱤ ᱨᱮᱭᱟᱜ ᱯᱟᱹᱨᱥᱤ ᱠᱚᱛᱮ CICT ᱨᱮᱭᱟᱜ ᱛᱚᱨᱡᱚᱢᱟ ᱥᱟᱶ ᱾ ᱢᱤᱫ ᱚᱫᱷᱭᱟᱭ ᱟᱨ ᱢᱤᱫ ᱯᱟᱹᱨᱥᱤ ᱵᱟᱪᱷᱟᱣ ᱢᱮ ᱾
ᱛᱤᱨᱩᱠᱠᱩᱨᱚᱞ ᱯᱟᱲᱦᱟᱣ ᱜᱟᱛᱮ ᱠᱩᱞᱤ ᱢᱮ →
பொருட்பால் · Wealth › அரசியல் · Royalty
44. குற்றங்கடிதல் · The Correction of Faults
செருக்குஞ் சினமும் சிறுமையும் இல்லார்பெருக்கம் பெருமித நீர்த்து.
செருக்கும் சினமும் காமமும் ஆகிய குற்றங்கள் இல்லாதவனது செல்வம் மேலாம் தன்மை கொண்டது.
இவறலும் மாண்பிறந்த மானமும் மாணாஉவகையும் ஏதம் இறைக்கு.
வறியவர் வேண்டியபோது பொருள் கொடாமையும், நன்மையிலிருந்து விலகிய மானமும், அளவற்ற முறையில்லாத களிப்பும் அரசனுக்குக் குற்றங்களாம்.
தினைத்துணையாங் குற்றம் வரினும் பனைத்துணையாக்கொள்வர் பழிநாணு வார்.
பழிக்கு அஞ்சுவார் தம்மிடம் தினையளவு சிறிய குற்றம் வந்தாலும் அதனைப் பனையளவு பெரிதாகக் கருதுவர்.
குற்றமே காக்க பொருளாகக் குற்றமேஅற்றந் தரூஉம் பகை.
தன்னை அழிக்கும் பகை குற்றமேயென்பதால், அக்குற்றம் தன்னிடம் வராமல் பாதுகாத்துக் கொள்ளவேண்டும்.
வருமுன்னர்க் காவாதான் வாழ்க்கை எரிமுன்னர்வைத்தூறு போலக் கெடும்.
குற்றம் வருதற்கு முன்னர் அதனைக் காவாதவனது வாழ்க்கை தீயின்முன் வைக்கோல்போர் போல அழிந்துவிடும்.
தன்குற்றம் நீக்கிப் பிறர்குற்றங் காண்கிற்பின்என்குற்ற மாகும் இறைக்கு?
தன்குற்றத்தைக் கண்டு அதனை நீக்கிப் பின்னர்ப் பிறர் குற்றம்காண வல்லவனானால் அரசனுக்கு ஆகும் குற்றம் ஏதுமில்லை.
செயற்பால செய்யா திவறியான் செல்வம்உயற்பால தன்றிக் கெடும்.
சேர்த்த பொருளால் செய்யவேண்டியதைச் செய்யாது அதனிடம் பற்று வைத்தவனது செல்வம் மேலும் பெருகாது வீணே கெடும்.
பற்றுள்ளம் என்னும் இவறன்மை எற்றுள்ளும்எண்ணப் படுவதொன் றன்று.
பொருளை விடவேண்டியபோது விடாமல் பற்றுதலைச் செய்யும் உள்ளமாகிய கஞ்சத்தனம் குற்றங்கள் எவற்றுள்ளும் வைத்து எண்ணப்படக்கூடிய ஒன்று ஆகாது; எல்லாக் குற்றங்களிலும் அதுவே மிக்கது.
வியவற்க எஞ்ஞான்றும் தன்னை நயவற்கநன்றி பயவா வினை.
தான் மிகவும் உயர்ந்த நிலையில் இருக்கும்போதும், செருக்குடன் தன்னை வியத்தல் கூடாது. தனக்கு நன்மை பயக்காத செயல்களை மனத்தால் விரும்புதலும் தக்கதன்று.
காதல காதல் அறியாமை உய்க்கிற்பின்ஏதில ஏதிலார் நூல்.
தான் விரும்பும் பொருள்களை அவ்விருப்பம் பற்றிப் பகைவர் அறியாமல் ஒருவன் துய்க்க வல்லவனானால், அவர்கள் அவனை வஞ்சித்தற்கு எண்ணும் எண்ணம் பழுதாகும்.
ᱚᱫᱷᱭᱟᱭ ᱠᱚ
1.கடவுள் வாழ்த்து2.வான்சிறப்பு3.நீத்தார் பெருமை4.அறன் வலியுறுத்தல்5.இல்வாழ்க்கை6.வாழ்க்கைத் துணைநலம்7.மக்கட்பேறு8.அன்புடைமை9.விருந்தோம்பல்10.இனியவை கூறல்11.செய்ந்நன்றியறிதல்12.நடுவு நிலைமை13.அடக்கம் உடைமை14.ஒழுக்கம் உடைமை15.பிறனில் விழையாமை16.பொறையுடைமை17.அழுக்காறாமை18.வெஃகாமை19.புறங்கூறாமை20.பயனில சொல்லாமை21.தீவினையச்சம்22.ஒப்புரவறிதல்23.ஈகை24.புகழ்25.அருளுடைமை26.புலால் மறுத்தல்27.தவம்28.கூடா ஒழுக்கம்29.கள்ளாமை30.வாய்மை31.வெகுளாமை32.இன்னா செய்யாமை33.கொல்லாமை34.நிலையாமை35.துறவு36.மெய்யுணர்தல்37.அவா அறுத்தல்38.ஊழ்39.இறைமாட்சி40.கல்வி41.கல்லாமை42.கேள்வி43.அறிவுடைமை44.குற்றங்கடிதல்45.பெரியாரைத் துணைக்கோடல்46.சிற்றினம் சேராமை47.தெரிந்து செயல்வகை48.வலியறிதல்49.காலமறிதல்50.இடனறிதல்51.தெரிந்து தெளிதல்52.தெரிந்து வினையாடல்53.சுற்றந் தழால்54.பொச்சாவாமை55.செங்கோன்மை56.கொடுங்கோன்மை57.வெருவந்த செய்யாமை58.கண்ணோட்டம்59.ஒற்றாடல்60.ஊக்கம் உடைமை61.மடி இன்மை62.ஆள்வினை உடைமை63.இடுக்கண் அழியாமை64.அமைச்சு65.சொல்வன்மை66.வினைத் தூய்மை67.வினைத்திட்பம்68.வினை செயல்வகை69.தூது70.மன்னரைச் சேர்ந்து ஒழுகல்71.குறிப்பறிதல்72.அவை அறிதல்73.அவை அஞ்சாமை74.நாடு75.அரண்76.பொருள் செயல்வகை77.படை மாட்சி78.படைச் செருக்கு79.நட்பு80.நட்பாராய்தல்81.பழைமை82.தீ நட்பு83.கூடா நட்பு84.பேதைமை85.புல்லறிவாண்மை86.இகல்87.பகை மாட்சி88.பகைத்திறம் தெரிதல்89.உட்பகை90.பெரியாரைப் பிழையாமை91.பெண்வழிச் சேறல்92.வரைவின் மகளிர்93.கள்ளுண்ணாமை94.சூது95.மருந்து96.குடிமை97.மானம்98.பெருமை99.சான்றாண்மை100.பண்புடைமை101.நன்றியில் செல்வம்102.நாணுடைமை103.குடிசெயல் வகை104.உழவு105.நல்குரவு106.இரவு107.இரவச்சம்108.கயமை109.தகை அணங்குறுத்தல்110.குறிப்பறிதல்111.புணர்ச்சி மகிழ்தல்112.நலம் புனைந்து உரைத்தல்113.காதற் சிறப்புரைத்தல்114.நாணுத் துறவுரைத்தல்115.அலர் அறிவுறுத்தல்116.பிரிவு ஆற்றாமை117.படர்மெலிந் திரங்கல்118.கண் விதுப்பழிதல்119.பசப்புறு பருவரல்120.தனிப்படர் மிகுதி121.நினைந்தவர் புலம்பல்122.கனவுநிலை உரைத்தல்123.பொழுதுகண்டு இரங்கல்124.உறுப்புநலன் அழிதல்125.நெஞ்சொடு கிளத்தல்126.நிறையழிதல்127.அவர்வயின் விதும்பல்128.குறிப்பறிவுறுத்தல்129.புணர்ச்சி விதும்பல்130.நெஞ்சொடு புலத்தல்131.புலவி132.புலவி நுணுக்கம்133.ஊடலுவகை
ᱛᱚᱨᱡᱚᱢᱟ ᱠᱚ © ᱥᱮᱱᱴᱨᱟᱞ ᱤᱱᱥᱴᱤᱴᱭᱩᱴ ᱚᱯᱷ ᱠᱞᱟᱥᱤᱠᱟᱞ ᱛᱟᱢᱤᱞ, ᱪᱮᱱᱱᱟᱭ · CC BY 4.0 · ᱛᱤᱨᱩᱠᱠᱩᱨᱚᱞ ᱢᱟᱞᱴᱤᱞᱤᱝᱜᱩᱣᱟᱞ ᱮᱯ ᱞᱮᱠᱟᱛᱮ ᱦᱚᱸ ᱧᱟᱢᱚᱜᱼᱟ
