হন্দোকপশিং

লোল 22 দা তিরুক্কুরল

কুরল 1,330 পূম্নমক, 8শুবা সিদিউলগী লোলশিংদা CICT না হন্দোকপগা লোয়ননা। তাংকক অমা অমসুং লোল অমা খনবিয়ু।

তাংকক লোল ← মমাঙগী মথংগী →

பொருட்பால் · Wealth › அமைச்சியல் · Ministers of State

66. வினைத் தூய்மை · Purity in Action

651

துணைநலம் ஆக்கம் த்ருஉம் வினைநலம்
வேண்டிய எல்லாந் தரும்.

ஒருவனுக்குத் துணைநலம் செல்வம் ஒன்றை மட்டும் கொடுக்கும்; வினைநலமோ அவன் விரும்புவன யாவற்றையும் கொடுக்கும்.

652

என்றும் ஒருவுதல் வேண்டும் புகழொடு
நன்றி பயவா வினை.

அரசனுக்குப்புகழும் அறமும் பயவாத வினைகளை அமைச்சர் எக்காலத்தும் விலக்குதல் வேண்டும்.

653

ஒஓதல் வேண்டும் ஒளிமாழ்கும் செய்வினை
ஆஅதும் என்னு மவர்.

உயர்வுபெற வேண்டுமென்று எண்ணுவார், தம் ஒளி கெடுதற்குக் காரணமாகும் வினை செய்தலைத் தவிர்த்தல் வேண்டும்.

654

இடுக்கண் படினும் இளிவந்த செய்யார்
நடுக்கற்ற காட்சி யவர்.

தடுமாற்றமற்ற தெளிவினை உடையவர் தமக்குத் துன்பம் வந்தாலும் அது நீங்குதல்பொருட்டு இழிவான செயல்களைச் செய்யமாட்டார்.

655

எற்றென்று இரங்குவ செய்யற்க செய்வானேல்
மற்றன்ன செய்யாமை நன்று.

பின்னால் தானே வருந்துதற்குரிய செயல்களை ஒருவன் ஒருகாலும் செய்தல் கூடாது; மயக்கம் காரணமாக அவற்றை ஒருமுறை செய்வானாயின் பின்னர் அத்தகையவற்றைச் செய்யா திருத்தல் நன்று.

656

ஈன்றாள் பசிகாண்பான் ஆயினுஞ் செய்யற்க
சான்றோர் பழிக்கும் வினை.

தன்னைப் பெற்றெடுத்த தாய் பசித்திருத்தலைக் காண்பான் ஆயினும் சான்றோர் பழிக்கும் செயல்களை ஒருவன் செய்தல் கூடாது.

657

பழிமலைந்து எய்திய ஆக்கத்தின் சான்றோர்
கழிநல் குரவே தலை.

தீய வினைகளைச்செய்து அதனால் வரும் பழியையேற்றுக்கொண்டு ஒருவன் பெறும் செல்வத்தைக்காட்டிலும் சான்றோர் அனுபவிக்கும் கொடிய வறுமையே உயர்ந்தது.

658

கடிந்த கடிந்தொரார் செய்தார்க்கு அவைதாம்
முடிந்தாலும் பீழை தரும்.

நூலோர் கண்டித்த செயல்களைத் தாமும் கடிந்து விலக்காது பொருள் கருதிச் செய்வார்க்கு அச்செயல்கள் முடியமாட்டா; முடிந்தாலும் பின் துன்பத்தையே தரும்.

659

அழக்கொண்ட எல்லாம் அழப்போம் இழப்பினும்
பிற்பயக்கும் நற்பா லவை.

ஒருவன் தீய வினைகளைச்செய்து பிறர் வருந்தக் கொண்ட பொருள்களெல்லாம், அவன் வருந்த அவனைவிட்டு நீங்கும்; தூய வினைகளால் வந்த பொருள்களை முன்னர் இழப்பானாயினும், பின்னர் அவை வந்து பயன் கொடுக்கும்.

660

சலத்தால் பொருள்செய்தே மார்த்தல் பசுமண்
கலத்துள்நீர் பெய்திரீஇ யற்று.

அமைச்சர்கள் தீய செயல்களால் பொருள் சேர்த்து அதனால் அரசனுக்கு நன்மைசெய்தல் பசிய மண்பாண்டத்துள்ளே நீரைப்பெய்து அதற்கு நன்மைசெய்ய முயலுதற்கு ஒப்பாகும்.

তাংককশিং

1. கடவுள் வாழ்த்து 2. வான்சிறப்பு 3. நீத்தார் பெருமை 4. அறன் வலியுறுத்தல்5. இல்வாழ்க்கை 6. வாழ்க்கைத் துணைநலம்7. மக்கட்பேறு 8. அன்புடைமை 9. விருந்தோம்பல்10. இனியவை கூறல்11. செய்ந்நன்றியறிதல்12. நடுவு நிலைமை 13. அடக்கம் உடைமை 14. ஒழுக்கம் உடைமை 15. பிறனில் விழையாமை 16. பொறையுடைமை 17. அழுக்காறாமை 18. வெஃகாமை 19. புறங்கூறாமை 20. பயனில சொல்லாமை 21. தீவினையச்சம்22. ஒப்புரவறிதல்23. ஈகை 24. புகழ்25. அருளுடைமை 26. புலால் மறுத்தல்27. தவம்28. கூடா ஒழுக்கம்29. கள்ளாமை 30. வாய்மை 31. வெகுளாமை 32. இன்னா செய்யாமை 33. கொல்லாமை 34. நிலையாமை 35. துறவு 36. மெய்யுணர்தல்37. அவா அறுத்தல்38. ஊழ்39. இறைமாட்சி 40. கல்வி 41. கல்லாமை 42. கேள்வி 43. அறிவுடைமை 44. குற்றங்கடிதல்45. பெரியாரைத் துணைக்கோடல்46. சிற்றினம் சேராமை 47. தெரிந்து செயல்வகை 48. வலியறிதல்49. காலமறிதல்50. இடனறிதல்51. தெரிந்து தெளிதல்52. தெரிந்து வினையாடல்53. சுற்றந் தழால்54. பொச்சாவாமை 55. செங்கோன்மை 56. கொடுங்கோன்மை 57. வெருவந்த செய்யாமை 58. கண்ணோட்டம்59. ஒற்றாடல்60. ஊக்கம் உடைமை 61. மடி இன்மை 62. ஆள்வினை உடைமை 63. இடுக்கண் அழியாமை 64. அமைச்சு 65. சொல்வன்மை 66. வினைத் தூய்மை 67. வினைத்திட்பம்68. வினை செயல்வகை 69. தூது 70. மன்னரைச் சேர்ந்து ஒழுகல்71. குறிப்பறிதல்72. அவை அறிதல்73. அவை அஞ்சாமை 74. நாடு 75. அரண்76. பொருள் செயல்வகை 77. படை மாட்சி 78. படைச் செருக்கு 79. நட்பு 80. நட்பாராய்தல்81. பழைமை 82. தீ நட்பு 83. கூடா நட்பு 84. பேதைமை 85. புல்லறிவாண்மை 86. இகல்87. பகை மாட்சி 88. பகைத்திறம் தெரிதல்89. உட்பகை 90. பெரியாரைப் பிழையாமை 91. பெண்வழிச் சேறல்92. வரைவின் மகளிர்93. கள்ளுண்ணாமை 94. சூது 95. மருந்து 96. குடிமை 97. மானம்98. பெருமை 99. சான்றாண்மை 100. பண்புடைமை 101. நன்றியில் செல்வம்102. நாணுடைமை 103. குடிசெயல் வகை 104. உழவு 105. நல்குரவு 106. இரவு 107. இரவச்சம்108. கயமை 109. தகை அணங்குறுத்தல்110. குறிப்பறிதல்111. புணர்ச்சி மகிழ்தல்112. நலம் புனைந்து உரைத்தல்113. காதற் சிறப்புரைத்தல்114. நாணுத் துறவுரைத்தல்115. அலர் அறிவுறுத்தல்116. பிரிவு ஆற்றாமை 117. படர்மெலிந் திரங்கல்118. கண் விதுப்பழிதல்119. பசப்புறு பருவரல்120. தனிப்படர் மிகுதி 121. நினைந்தவர் புலம்பல்122. கனவுநிலை உரைத்தல்123. பொழுதுகண்டு இரங்கல்124. உறுப்புநலன் அழிதல்125. நெஞ்சொடு கிளத்தல்126. நிறையழிதல்127. அவர்வயின் விதும்பல்128. குறிப்பறிவுறுத்தல்129. புணர்ச்சி விதும்பல்130. நெஞ்சொடு புலத்தல்131. புலவி 132. புலவி நுணுக்கம்133. ஊடலுவகை