Translations
Thirukkural in 22 languages
All 1,330 couplets with CICT's translations into the languages of the Eighth Schedule. Choose a chapter and a language.
Ask the Thirukkural study companion →
பொருட்பால் · Wealth › அங்கவியல் · Essentials of a State
86. இகல் · Hostility
இகலென்ப எல்லா உயிர்க்கும் பகலென்னும்பண்பின்மை பாரிக்கும் நோய்
எல்லா உயிர்களுக்கும் பிற உயிர்களோடு கூடி வாழாமையென்னும் தீக்குணத்தை வளர்க்கும் குற்றத்தை நூலோர் இகலென்று கூறுவர்.
பகல்கருதிப் பற்றா செயினும் இகல்கருதிஇன்னாசெய் யாமை தலை
தம்மொடு கூடாமையை எண்ணி ஒருவன் வெறுப்பன செய்தாலும் அவனோடு மாறுபடுதலைக் குறித்துத் தாம் அவனுக்குத் துன்பம் தருவனவற்றைச் செய்யாதிருத்தல் உயர்ந்தது.
இகலென்னும் எவ்வநோய் நீக்கின் தவலில்லாத்தாவில் விளக்கம் தரும்
மாறுபாடு என்று சொல்லப்படும் துன்பத்தைச் செய்யும் நோயை உள்ளத்திலிருந்து நீக்கினால், அந்நீக்குதல் ஒருவனுக்கு என்றும் வாழுதற்குக் காரணமாகிய புகழைக் கொடுக்கும்.
இன்பத்துள் இன்பம் பயக்கும் இகலென்னும்துன்பத்துள் துன்பங் கெடின்
மாறுபாடென்று சொல்லப்படும் துன்பங்கள் யாவற்றிலும் மிக்க துன்பம் ஒருவனுக்கு இல்லையானால், அது அவனுக்கு இன்பங்கள் யாவற்றிலும் மிக்க இன்பத்தைக் கொடுக்கும்.
இகலெதிர் சாய்ந்தொழுக வல்லாரை யாரேமிகலூக்கும் தன்மை யவர்
தம் உள்ளத்தில் மாறுபாடு தோன்றும்போது அதனை ஏற்றுக்கொள்ளாது சாய்ந்தொழுகவல்லவரை வெல்லக் கருதும் எண்ணம் உடையார் யார்?
இகலின் மிகலினிது என்பவன் வாழ்க்கைதவலும் கெடலும் நணித்து
‘பிறரோடு மாறுபடும்போது மேலும் மேலும் ஊக்குதல் எனக்கு இனிய’தென்று அதனைச் செய்பவனின் வாழ்க்கை வறுமையால் துன்புறுதலும் இறத்தலும் மிகச் சிறிய காலத்தில் உளவாகும்.
மிகல்மேவல் மெய்ப்பொருள் காணார் இகல்மேவல்இன்னா அறிவி னவர்
இகலை விரும்புவார் பிறர்க்கும் தமக்கும் தீமைபயக்கும் அறிவினை உடையவர் ஆவார். அத்தகையோர் வெற்றிதரக்கூடிய அறநூற்பொருளை அறியமாட்டார்.
இகலிற்கு எதிர்சாய்தல் ஆக்கம் அதனைமிகலூக்கின் ஊக்குமாம் கேடு
ஒருவனது உள்ளத்தில் மாறுபாடு தோன்றும்போது அதனை ஏற்றுக்கொள்ளாதிருத்தல் அவனுக்கு ஆக்கமாம்; அதைச் செய்யாது, இகல் மிகுதலை மேற்கொள்வானானால் கேடு அவனை நெருங்கும்.
இகல்காணான் ஆக்கம் வருங்கால் அதனைமிகல்காணும் கேடு தரற்கு
ஒருவன் தன்னிடம் ஆக்கம் வரும்போது இகலை நினைக்கமாட்டான். தனக்குக் கேடு விளைத்தற்கே இகல் மிகுதலை நினைப்பான்.
இகலானாம் இன்னாத எல்லாம் நகலானாம்நன்னயம் என்னும் செருக்கு
ஒருவனுக்கு மாறுபாடு காரணமாகத் துன்பங்கள் யாவும் உண்டாகும்; நட்பினால் நல்ல நீதியென்னும் பெரும் செல்வம் உண்டாகும்.
Chapters
1.கடவுள் வாழ்த்து2.வான்சிறப்பு3.நீத்தார் பெருமை4.அறன் வலியுறுத்தல்5.இல்வாழ்க்கை6.வாழ்க்கைத் துணைநலம்7.மக்கட்பேறு8.அன்புடைமை9.விருந்தோம்பல்10.இனியவை கூறல்11.செய்ந்நன்றியறிதல்12.நடுவு நிலைமை13.அடக்கம் உடைமை14.ஒழுக்கம் உடைமை15.பிறனில் விழையாமை16.பொறையுடைமை17.அழுக்காறாமை18.வெஃகாமை19.புறங்கூறாமை20.பயனில சொல்லாமை21.தீவினையச்சம்22.ஒப்புரவறிதல்23.ஈகை24.புகழ்25.அருளுடைமை26.புலால் மறுத்தல்27.தவம்28.கூடா ஒழுக்கம்29.கள்ளாமை30.வாய்மை31.வெகுளாமை32.இன்னா செய்யாமை33.கொல்லாமை34.நிலையாமை35.துறவு36.மெய்யுணர்தல்37.அவா அறுத்தல்38.ஊழ்39.இறைமாட்சி40.கல்வி41.கல்லாமை42.கேள்வி43.அறிவுடைமை44.குற்றங்கடிதல்45.பெரியாரைத் துணைக்கோடல்46.சிற்றினம் சேராமை47.தெரிந்து செயல்வகை48.வலியறிதல்49.காலமறிதல்50.இடனறிதல்51.தெரிந்து தெளிதல்52.தெரிந்து வினையாடல்53.சுற்றந் தழால்54.பொச்சாவாமை55.செங்கோன்மை56.கொடுங்கோன்மை57.வெருவந்த செய்யாமை58.கண்ணோட்டம்59.ஒற்றாடல்60.ஊக்கம் உடைமை61.மடி இன்மை62.ஆள்வினை உடைமை63.இடுக்கண் அழியாமை64.அமைச்சு65.சொல்வன்மை66.வினைத் தூய்மை67.வினைத்திட்பம்68.வினை செயல்வகை69.தூது70.மன்னரைச் சேர்ந்து ஒழுகல்71.குறிப்பறிதல்72.அவை அறிதல்73.அவை அஞ்சாமை74.நாடு75.அரண்76.பொருள் செயல்வகை77.படை மாட்சி78.படைச் செருக்கு79.நட்பு80.நட்பாராய்தல்81.பழைமை82.தீ நட்பு83.கூடா நட்பு84.பேதைமை85.புல்லறிவாண்மை86.இகல்87.பகை மாட்சி88.பகைத்திறம் தெரிதல்89.உட்பகை90.பெரியாரைப் பிழையாமை91.பெண்வழிச் சேறல்92.வரைவின் மகளிர்93.கள்ளுண்ணாமை94.சூது95.மருந்து96.குடிமை97.மானம்98.பெருமை99.சான்றாண்மை100.பண்புடைமை101.நன்றியில் செல்வம்102.நாணுடைமை103.குடிசெயல் வகை104.உழவு105.நல்குரவு106.இரவு107.இரவச்சம்108.கயமை109.தகை அணங்குறுத்தல்110.குறிப்பறிதல்111.புணர்ச்சி மகிழ்தல்112.நலம் புனைந்து உரைத்தல்113.காதற் சிறப்புரைத்தல்114.நாணுத் துறவுரைத்தல்115.அலர் அறிவுறுத்தல்116.பிரிவு ஆற்றாமை117.படர்மெலிந் திரங்கல்118.கண் விதுப்பழிதல்119.பசப்புறு பருவரல்120.தனிப்படர் மிகுதி121.நினைந்தவர் புலம்பல்122.கனவுநிலை உரைத்தல்123.பொழுதுகண்டு இரங்கல்124.உறுப்புநலன் அழிதல்125.நெஞ்சொடு கிளத்தல்126.நிறையழிதல்127.அவர்வயின் விதும்பல்128.குறிப்பறிவுறுத்தல்129.புணர்ச்சி விதும்பல்130.நெஞ்சொடு புலத்தல்131.புலவி132.புலவி நுணுக்கம்133.ஊடலுவகை
Translations © Central Institute of Classical Tamil, Chennai · CC BY 4.0 · Also available as the Thirukkural Multilingual App
