Translations
Thirukkural in 22 languages
All 1,330 couplets with CICT's translations into the languages of the Eighth Schedule. Choose a chapter and a language.
Ask the Thirukkural study companion →
பொருட்பால் · Wealth › அங்கவியல் · Essentials of a State
93. கள்ளுண்ணாமை · Not Drinking Palm-Wine
உட்கப் படாஅர் ஒளியிழப்பர் எஞ்ஞான்றும்கட்காதல் கொண்டொழுகு வார்.
கள்ளின்மேல் பெருவிருப்பம்கொண்டு வாழ்வார் எப்போதும் பகைவரால் அஞ்சப்படார்; முன்னடைந்திருந்த ஒளியையும் (புகழையும்) இழப்பர்.
உண்ணற்க கள்ளை உணில்உண்க சான்றோரான்எண்ணப் படவேண்டா தார்.
அறிவுடையார் கள்ளினை உண்ணலைத் தவிர்த்தல் வேண்டும்; அறிவற்று அவ்வாறு உண்ணுவார் நல்லவர்களால் எண்ணப்படமாட்டார்; புறக்கணிக்கப்படுவர்.
ஈன்றாள் முகத்தேயும் இன்னாதால் என்மற்றுச்சான்றோர் முகத்துக் களி.
எது செய்யினும் மகிழும் தாயின்முன்பும் கள்ளுண்டு களித்தல் தீயதாம்; அவ்வாறிருக்க, எக்குற்றமும் பொறுத்துக்கொள்ளாத சான்றோர்முன் கள்ளுண்டு களித்தல் தீயதென்று சொல்லவும் வேண்டுமோ?
நாண்என்னும் நல்லாள் புறங்கொடுக்கும் கள்ளென்னும்பேணாப் பெருங்குற்றத் தார்க்கு.
கள்ளென்று சொல்லப்படுகின்ற யாவரும் இகழும் பெருங்குற்றத்தை உடையவரை நாணம் என்று சொல்லப்படுகின்ற உயர்ந்தவள் பார்ப்பதற்கு அஞ்சி அவரெதிரில் தோன்றமாட்டாள்.
கையறி யாமை உடைத்தே பொருள்கொடுத்துமெய்யறி யாமை கொளல்.
ஒருவன் பொருளை விலையாகக் கொடுத்துக் கள்ளால் தனக்கு மெய்மறப்பை அடைதல், செய்வதறியாமையைக் காரணமாக உடையது.
துஞ்சினார் செத்தாரின் வேறல்லர் எஞ்ஞான்றும்நஞ்சுண்பார் கள்ளுண் பவர்.
உறங்குவார் இறந்தவரிடமிருந்து வேறுபட்டாரானாலும், வேறுபட்டவராகக் கருதப்படமாட்டார்; அவ்வாறே, கள்ளுண்பார் நஞ்சுண்பாரிடமிருந்து வேறுபட்டாரானாலும் எக்காலத்தும் அறிவின்மையால் வேறுபட்டவராகக் கருதப்படமாட்டார்.
உள்ளொற்றி உள்ளூர் நகப்படுவர் எஞ்ஞான்றும்கள்ளொற்றிக் கண்சாய் பவர்
கள்ளை மறைந்திருந்து உண்டு அக்களிப்பின் காரணமாகத் தம் அறிவை இழப்பவர், உள்ளூரில் வாழ்பவரால் உள்நிகழ்கின்றதை உய்த்துணர்ந்து எப்போதும் இகழப்படுவார்.
களித்தறியேன் என்பது கைவிடுக நெஞ்சத்துஒளித்ததூஉம் ஆங்கே மிகும்.
மறைந்திருந்து கள்ளை உண்டு ‘நான் கள்ளுண்டலை அறியேன்' என்று கூறுதலைக் கைவிடல்வேண்டும்; கள்ளுண்டபொழுது பிறர் அறிவாரானால் முன் நெஞ்சில் ஒளித்த குற்றம் மிகுதியாக வெளிப்படும்.
களித்தானைக் காரணம் காட்டுதல் கீழ்நீர்க்குளித்தானைத் தீத்துரீஇ அற்று.
கள்ளுண்டு களித்தான் ஒருவனை இது தக்கதன்று என்று இன்னொருவன் காரணம்காட்டி அறிவுறுத்தல் நீரில் மூழ்கிய ஒருவனைப் பிறிதொருவன் விளக்கைக்கொண்டு தேடுதலை ஒக்கும்.
கள்ளுண்ணாப் போழ்திற் களித்தானைக் காணுங்கால்உள்ளான்கொல் உண்டதன் சோர்வு.
கள்ளுண்பான் ஒருவன் உண்ணாது தெளிந்திருந்தபோது உண்டு களித்த இன்னொருவனைக் காண்கையில் கள்ளுண்ணுதலால் விளையும் சோர்வு இத்தகையதென்று அறிந்துகொள்ள மாட்டான்போலும்.
Chapters
1.கடவுள் வாழ்த்து2.வான்சிறப்பு3.நீத்தார் பெருமை4.அறன் வலியுறுத்தல்5.இல்வாழ்க்கை6.வாழ்க்கைத் துணைநலம்7.மக்கட்பேறு8.அன்புடைமை9.விருந்தோம்பல்10.இனியவை கூறல்11.செய்ந்நன்றியறிதல்12.நடுவு நிலைமை13.அடக்கம் உடைமை14.ஒழுக்கம் உடைமை15.பிறனில் விழையாமை16.பொறையுடைமை17.அழுக்காறாமை18.வெஃகாமை19.புறங்கூறாமை20.பயனில சொல்லாமை21.தீவினையச்சம்22.ஒப்புரவறிதல்23.ஈகை24.புகழ்25.அருளுடைமை26.புலால் மறுத்தல்27.தவம்28.கூடா ஒழுக்கம்29.கள்ளாமை30.வாய்மை31.வெகுளாமை32.இன்னா செய்யாமை33.கொல்லாமை34.நிலையாமை35.துறவு36.மெய்யுணர்தல்37.அவா அறுத்தல்38.ஊழ்39.இறைமாட்சி40.கல்வி41.கல்லாமை42.கேள்வி43.அறிவுடைமை44.குற்றங்கடிதல்45.பெரியாரைத் துணைக்கோடல்46.சிற்றினம் சேராமை47.தெரிந்து செயல்வகை48.வலியறிதல்49.காலமறிதல்50.இடனறிதல்51.தெரிந்து தெளிதல்52.தெரிந்து வினையாடல்53.சுற்றந் தழால்54.பொச்சாவாமை55.செங்கோன்மை56.கொடுங்கோன்மை57.வெருவந்த செய்யாமை58.கண்ணோட்டம்59.ஒற்றாடல்60.ஊக்கம் உடைமை61.மடி இன்மை62.ஆள்வினை உடைமை63.இடுக்கண் அழியாமை64.அமைச்சு65.சொல்வன்மை66.வினைத் தூய்மை67.வினைத்திட்பம்68.வினை செயல்வகை69.தூது70.மன்னரைச் சேர்ந்து ஒழுகல்71.குறிப்பறிதல்72.அவை அறிதல்73.அவை அஞ்சாமை74.நாடு75.அரண்76.பொருள் செயல்வகை77.படை மாட்சி78.படைச் செருக்கு79.நட்பு80.நட்பாராய்தல்81.பழைமை82.தீ நட்பு83.கூடா நட்பு84.பேதைமை85.புல்லறிவாண்மை86.இகல்87.பகை மாட்சி88.பகைத்திறம் தெரிதல்89.உட்பகை90.பெரியாரைப் பிழையாமை91.பெண்வழிச் சேறல்92.வரைவின் மகளிர்93.கள்ளுண்ணாமை94.சூது95.மருந்து96.குடிமை97.மானம்98.பெருமை99.சான்றாண்மை100.பண்புடைமை101.நன்றியில் செல்வம்102.நாணுடைமை103.குடிசெயல் வகை104.உழவு105.நல்குரவு106.இரவு107.இரவச்சம்108.கயமை109.தகை அணங்குறுத்தல்110.குறிப்பறிதல்111.புணர்ச்சி மகிழ்தல்112.நலம் புனைந்து உரைத்தல்113.காதற் சிறப்புரைத்தல்114.நாணுத் துறவுரைத்தல்115.அலர் அறிவுறுத்தல்116.பிரிவு ஆற்றாமை117.படர்மெலிந் திரங்கல்118.கண் விதுப்பழிதல்119.பசப்புறு பருவரல்120.தனிப்படர் மிகுதி121.நினைந்தவர் புலம்பல்122.கனவுநிலை உரைத்தல்123.பொழுதுகண்டு இரங்கல்124.உறுப்புநலன் அழிதல்125.நெஞ்சொடு கிளத்தல்126.நிறையழிதல்127.அவர்வயின் விதும்பல்128.குறிப்பறிவுறுத்தல்129.புணர்ச்சி விதும்பல்130.நெஞ்சொடு புலத்தல்131.புலவி132.புலவி நுணுக்கம்133.ஊடலுவகை
Translations © Central Institute of Classical Tamil, Chennai · CC BY 4.0 · Also available as the Thirukkural Multilingual App
