திருக்குறள் கற்றல் துணைவன்

நட்பு, சினம், கல்வி, உழைப்பு, வாய்மை என எந்தத் தலைப்பைப் பற்றியும் உங்கள் மொழியிலேயே கற்றல் துணைவனிடம் கேட்கலாம்; அதைப் பற்றிப் பேசும் குறள்கள் அவற்றின் மொழிபெயர்ப்பு, தமிழ் உரை, தமிழ் ஒலி வடிவம் ஆகியவற்றுடன் கிடைக்கும்.

உங்கள் வினாவுக்கு மிக நெருக்கமான குறள்கள்

1. குறள் 17 2. வான்சிறப்பு
   நெடுங்கடலும் தன்நீர்மை குன்றும் தடிந்தெழிலிதான்நல்கா தாகி விடின்.
   Netungatalum Thanneermai Kundrum Thatindhezhili · Thaannalkaa Thaaki Vitin
   தமிழ் உரை

   மேகமானது தன்னைக் குறைத்துக் கடலில் பெய்யாது போகுமானால், அளவற்ற பெருங்கடலும் தன்னியல்பு குறையும்.

   🔊கேட்கஇக்குறள் எல்லா மொழிகளிலும்
2. குறள் 13 2. வான்சிறப்பு
   விண்இன்று பொய்ப்பின் விரிநீர் வியனுலகத்துஉள்நின்று உடற்றும் பசி.
   Vinindru Poippin Virineer Viyanulakaththu · Ulnindru Utatrum Pasi
   தமிழ் உரை

   மழை தேவைப்படும் காலத்தில் பெய்யாது பொய்க்குமானால் கடலால் சூழப்பெற்ற அகன்ற உலகில் பசியானது நிலைபெற்று உயிர்களைத் துன்புறுத்தும்.

   🔊கேட்கஇக்குறள் எல்லா மொழிகளிலும்
3. குறள் 11 2. வான்சிறப்பு
   வான்நின்று உலகம் வழங்கி வருதலால்தான்அமிழ்தம் என்றுணரற் பாற்று.
   Vaannindru Ulakam Vazhangi Varudhalaal · Thaanamizhdham Endrunarar Paatru
   தமிழ் உரை

   மழை இடையறாது பெய்ய, உலகம் நிலைபெற்றிருத்தலால், அம்மழையே உலகிற்கு அமிழ்தம் என்று கருதற்குரியது.

   🔊கேட்கஇக்குறள் எல்லா மொழிகளிலும்
4. குறள் 15 2. வான்சிறப்பு
   கெடுப்பதூஉம் கெட்டார்க்குச் சார்வாய்மற் றாங்கேஎடுப்பதூஉம் எல்லாம் மழை.
   Ketuppadhooum Kettaarkkuch Chaarvaaimar Raange · Etuppadhooum Ellaam Mazhai
   தமிழ் உரை

   பெய்யவேண்டிய காலத்தில் பெய்யாதிருந்து உலகில் வாழ்வாரைத் துன்புறுத்துவதும், அவ்வாறு துன்புற்றார்க்குத் துணையாகப் பெய்து நலம் செய்வதும் ஆகிய எல்லாம் செய்யும் வல்லமை உடையது மழை.

   🔊கேட்கஇக்குறள் எல்லா மொழிகளிலும்
5. குறள் 20 2. வான்சிறப்பு
   நீர்இன்று அமையாது உலகெனின் யார்யார்க்கும்வான்இன்று அமையாது ஒழுக்கு.
   Neerindru Amaiyaadhu Ulakenin Yaaryaarkkum · Vaanindru Amaiyaadhu Ozhukku
   தமிழ் உரை

   எவ்வளவு மேல்நிலையில் உள்ளவர்க்கும் நீரில்லாமல் உலக இன்பங்களைத் துய்த்தல் இயலாது; அந்நீர் இடையறாது பெய்தலும் வானில்லாமல் நடவாது.

   🔊கேட்கஇக்குறள் எல்லா மொழிகளிலும்
6. குறள் 12 2. வான்சிறப்பு
   துப்பார்க்குத் துப்பாய துப்பாக்கித் துப்பார்க்குத்துப்பாய தூஉம் மழை.
   Thuppaarkkuth Thuppaaya Thuppaakkith Thuppaarkkuth · Thuppaaya Thooum Mazhai
   தமிழ் உரை

   உண்பார்க்கு நல்ல உணவை உண்டாக்கித்தந்து, அதனை உண்கின்றவர்க்குத் தானும் உணவாவதும் மழை.

   🔊கேட்கஇக்குறள் எல்லா மொழிகளிலும்
7. குறள் 14 2. வான்சிறப்பு
   ஏரின் உழாஅர் உழவர் புயல்என்னும்வாரி வளங்குன்றிக் கால்.
   Erin Uzhaaar Uzhavar Puyalennum · Vaari Valangundrik Kaal
   தமிழ் உரை

   மழையென்னும் வருவாய் தன் பயன் குறையுமானால், உழவர்கள் ஏரால் உழுதலைச் செய்யமாட்டார்.

   🔊கேட்கஇக்குறள் எல்லா மொழிகளிலும்
8. குறள் 16 2. வான்சிறப்பு
   விசும்பின் துளிவீழின் அல்லால்மற் றாங்கேபசும்புல் தலைகாண்பு அரிது.
   Visumpin Thuliveezhin Allaalmar Raange · Pasumpul Thalaikaanpu Aridhu
   தமிழ் உரை

   மழையின் துளி விழுந்தால் மட்டுமே பசும்புல்லின் தலையையும் காணமுடியும்; மழை பெய்யாவிடில், அதனைக் காணுதலும் இயலாததகும்.

   🔊கேட்கஇக்குறள் எல்லா மொழிகளிலும்
9. குறள் 19 2. வான்சிறப்பு
   தானம் தவம்இரண்டும் தங்கா வியன்உலகம்வானம் வழங்கா தெனின்.
   Thaanam Thavamirantum Thangaa Viyanulakam · Vaanam Vazhangaa Thenin
   தமிழ் உரை

   மழை பெய்யவில்லையானால், அகன்ற உலகில் தானம், தவம் ஆகிய இரண்டு அறங்களும் இல்லாமல் போகும்.

   🔊கேட்கஇக்குறள் எல்லா மொழிகளிலும்
10. குறள் 18 2. வான்சிறப்பு
    சிறப்பொடு பூசனை செல்லாது வானம்வறக்குமேல் வானோர்க்கும் ஈண்டு.
    Sirappotu Poosanai Sellaadhu Vaanam · Varakkumel Vaanorkkum Eentu
    தமிழ் உரை

    மழை பெய்யாமல்போனால் விண்ணுலகத்தார்க்கும் இவ்வுலகில் செய்யப்படும் விழாவும் பூசையும் நடைபெறமாட்டா.

    🔊கேட்கஇக்குறள் எல்லா மொழிகளிலும்
11. குறள் 55 6. வாழ்க்கைத் துணைநலம்
    தெய்வம் தொழாஅள் கொழுநன் தொழுதெழுவாள்பெய்யெனப் பெய்யும் மழை.
    Theyvam Thozhaaal Kozhunan Thozhudhezhuvaal · Peyyenap Peyyum Mazhai
    தமிழ் உரை

    தெய்வம் எதனையும் தொழாமல், கணவனைத் தொழுது துயிலெழுகின்ற மனைவி பெய்யென்று சொல்ல, மழை பெய்யும். கற்புடைய மனைவியின் விருப்பமறிந்து தெய்வமே அவளுக்கு ஏவல் செய்யும்.

    🔊கேட்கஇக்குறள் எல்லா மொழிகளிலும்
12. குறள் 545 55. செங்கோன்மை
    இயல்புளிக் கோலோச்சும் மன்னவன் நாட்டபெயலும் விளையுளும் தொக்கு.
    Iyalpulik Kolochchum Mannavan Naatta · Peyalum Vilaiyulum Thokku
    தமிழ் உரை

    அறநூல்கள் சொல்லியுள்ள முறையில் செங்கோல் செலுத்தும் அரசனின் நாட்டில் பருவமழையும் குறையாத விளைச்சலும் ஒருங்குசேர்ந்து காணப்படும்.

    🔊கேட்கஇக்குறள் எல்லா மொழிகளிலும்
13. குறள் 542 55. செங்கோன்மை
    வானோக்கி வாழும் உலகெல்லாம் மன்னவன்கோல்நோக்கி வாழுங் குடி.
    Vaanokki Vaazhum Ulakellaam Mannavan · Kol Nokki Vaazhung Kuti
    தமிழ் உரை

    உலகத்து உயிர்களெல்லாம் உணவுதரும் மழையை எதிர்நோக்கி வாழும்; குடிகளெல்லாம் அரசனது செங்கோலை எதிர்நோக்கி வாழும்.

    🔊கேட்கஇக்குறள் எல்லா மொழிகளிலும்
14. குறள் 1010 101. நன்றியில் செல்வம்
    சீருடைச் செல்வர் சிறுதுனி மாரிவறங்கூர்ந் தனையது உடைத்து.
    Seerutaich Chelvar Sirudhuni Maari · Varangoorn Thanaiyadhu Utaiththu
    தமிழ் உரை

    புகழ்பெற்ற செல்வத்தை உடையாரது சிறிதாகிய வறுமை, உலகைக் காக்கும் மேகம் வறுமையடைந்தாற்போன்ற தன்மையதாம். அவ்வறுமை சிறிது காலமிருந்து விரைவில் நீங்க, மீண்டும் அவர் ஈகையை மேற்கொள்வர்.

    🔊கேட்கஇக்குறள் எல்லா மொழிகளிலும்
15. குறள் 211 22. ஒப்புரவறிதல்
    கைம்மாறு வேண்டா கடப்பாடு மாரிமாட்டுஎன்னாற்றுங் கொல்லோ உலகு.
    Kaimmaaru Ventaa Katappaatu Maarimaattu · En Aatrung Kollo Ulaku
    தமிழ் உரை

    தமக்கு நீர் அளிக்கும் மழைக்கு உயிர்கள் என்ன கைம்மாறு செய்கின்றன? ஏதும் செய்வதில்லை. அம்மழைபோன்றார் செய்யும் ஒப்புரவுகளும் கைம்மாறு கருதுவன அல்ல.

    🔊கேட்கஇக்குறள் எல்லா மொழிகளிலும்
16. குறள் 1239 124. உறுப்புநலன் அழிதல்
    முயக்கிடைத் தண்வளி போழப் பசப்புற்றபேதை பெருமழைக் கண்.
    Muyakkitaith Thanvali Pozhap Pasapputra · Pedhai Perumazhaik Kan
    தமிழ் உரை

    அவளைத் தழுவியிருந்தபோது கைகளைச் சற்றே நெகிழ்த்ததால் சிறுகாற்று நுழைய, அதுபொறாது, பேதையின் குளிச்சியுடைய பெரிய கண்கள் பசப்புற்றன. அவை இப்பிரிவை எவ்வாறு பொறுத்துக்கொண்டிருந்தன?

    🔊கேட்கஇக்குறள் எல்லா மொழிகளிலும்
17. குறள் 1192 120. தனிப்படர் மிகுதி
    வாழ்வார்க்கு வானம் பயந்தற்றால் வீழ்வார்க்குவீழ்வார் அளிக்கும் அளி.
    Vaazhvaarkku Vaanam Payandhatraal Veezhvaarkku · Veezhvaar Alikkum Ali
    தமிழ் உரை

    தம்மை விரும்பும் மகளிர்க்குத் தாம் விரும்பும் கணவர் அளவறிந்து செய்யும் தலையளி, தன்னையே எதிர்பார்த்து உயிர்வாழ்வார்க்கு வானம் அளவறிந்து பெய்யும் மழையைப் போன்றது.

    🔊கேட்கஇக்குறள் எல்லா மொழிகளிலும்
18. குறள் 54 6. வாழ்க்கைத் துணைநலம்
    பெண்ணின் பெருந்தக்க யாவுள கற்பென்னும்திண்மைஉண் டாகப் பெறின்.
    Pennin Perundhakka Yaavula Karpennum · Thinmaiun Taakap Perin
    தமிழ் உரை

    இல்லாள் கற்பென்னும் கலங்கா நிலைமை உடையவளானால், ஒருவன் அடையும் பொருள்களுள் அத்தகையவளினும் மேம்பட்ட பொருள்கள் எவையுள்ளன?

    🔊கேட்கஇக்குறள் எல்லா மொழிகளிலும்
19. குறள் 60 6. வாழ்க்கைத் துணைநலம்
    மங்கலம் என்ப மனைமாட்சி மற்றதன்நன்கலம் நன்மக்கட் பேறு.
    Mangalam Enpa Manaimaatchi Matru · Adhan Nankalam Nanmakkat Peru
    தமிழ் உரை

    மனையாளது மாட்சிமையானது ஒருவனுக்கு நன்மையென்று அறிந்தோர் சொல்லுவர்; நல்ல மக்களைப் பெறுதல் அவர்களுக்கு நல்ல அணிகலமாகும்.

    🔊கேட்கஇக்குறள் எல்லா மொழிகளிலும்
20. குறள் 51 6. வாழ்க்கைத் துணைநலம்
    மனைத்தக்க மாண்புடையள் ஆகித்தற் கொண்டான்வளத்தக்காள் வாழ்க்கைத் துணை.
    Manaiththakka Maanputaiyal Aakiththar Kontaan · Valaththakkaal Vaazhkkaith Thunai
    தமிழ் உரை

    இல்லறத்திற்கு ஏற்ற நற்பண்பு, நற்செய்கைகள் உடையவளாகித் தன்னைக் கொண்ட கணவனின் வருவாய்க்குத்தக்க வாழ்வை நடத்துபவள் நல்ல வாழ்க்கைத் துணையாவாள்.

    🔊கேட்கஇக்குறள் எல்லா மொழிகளிலும்

உங்கள் சொற்கள், இந்த இணையதளத்தின் சொந்தத் திருக்குறள் மொழிபெயர்ப்புகளோடும் உரைகளோடும் பொருத்திப் பார்க்கப்படுகின்றன. கற்றல் துணைவன் தானாக எதையும் எழுதுவதில்லை; உங்கள் வினா இந்த இணையதளத்திலேயே இருக்கும். இதை 23 மொழிகளிலும் கட்டணமின்றிப் பயன்படுத்தலாம்.

மொழிபெயர்ப்புகள் © செம்மொழித் தமிழாய்வு மத்திய நிறுவனம், சென்னை · CC BY 4.0