Translations
Thirukkural in 22 languages
All 1,330 couplets with CICT's translations into the languages of the Eighth Schedule. Choose a chapter and a language.
Ask the Thirukkural study companion →
பொருட்பால் · Wealth › அமைச்சியல் · Ministers of State
70. மன்னரைச் சேர்ந்து ஒழுகல் · Conduct in the Presence of the King
அகலாது அணுகாது தீக்காய்வார் போல்கஇகல்வேந்தர்ச் சேர்ந்தொழுகு வார்.
எளிதில் பகையுணர்வுகொள்ளும் அரசரைச்சேர்ந்து அவரிடம் பணி செய்வார், அவரிடமிருந்து பெரிதும் விலகுவதும் அவரை மிகவும் நெருங்கியிருப்பதும் செய்யாது தீக்காய்வார்போல இடைநிலத்தில் நிற்றல் வேண்டும்.
மன்னர் விழைப விழையாமை மன்னரால்மன்னிய ஆக்கந் தரும்.
தாம் சேர்ந்தொழுகும் மன்னர் விரும்புவனவற்றைத் தாம் விரும்பாதிருத்தல் அவருக்கு மன்னரால் நிலைபெற்ற செல்வத்தைக் கொடுக்கும்.
போற்றின் அரியவை போற்றல் கடுத்தபின்தேற்றுதல் யார்க்கும் அரிது.
அமைச்சர் தம்மைக் காத்துக்கொள்ள விரும்பினால் அரிய பிழைகளைத் தாம் செய்யாதிருத்தல் வேண்டும். அவ்வாறான பிழைகளை அமைச்சர் செய்தாரென்று அரசன் ஐயமுற்றால் அவனைத் தெளிவித்தல் யாவர்க்கும் கடின செயலாகும்.
செவிச்சொல்லும் சேர்ந்த நகையும் அவித்தொழுகல்ஆன்ற பெரியா ரகத்து.
சிறந்த அரசர் அருகில் இருந்தால் அவர் காணுமாறு இன்னொருவன் செவியில் கூறுதலையும், முகம்நோக்கிச் சிரித்தலையும் தவிர்த்தல் வேண்டும்.
எப்பொருளும் ஓரார் தொடரார்மற் றப்பொருளைவிட்டக்கால் கேட்க மறை.
அரசன் பிறரோடு மறைவாகப் பேசும்போது, எதனையும் செவிகொடுத்துக் கேளாது, அவனை அது பற்றி வினவுதலும் செய்யாது, அதனை அவனே மறைக்காது சொல்லும்போது கேட்க வேண்டும்.
குறிப்பறிந்து காலங் கருதி வெறுப்பிலவேண்டுப வேட்பச் சொலல்.
அரசனிடம் பேசும்போது அப்பொழுது நிகழும் அவன் குறிப்பினை அறிந்து, சொல்லுதற்கேற்ற காலத்தையும் தெரிந்து, வெறுப்பில்லாதவற்றையும் வேண்டுவனவற்றையும் அவன் விரும்பும் வகையில் சொல்ல வேண்டும்.
வேட்பன சொல்லி வினையில எஞ்ஞான்றும்கேட்பினும் சொல்லா விடல்.
பயனுடையவற்றையும் அரசன் விரும்புவனவற்றையும் அவன் கேட்கவில்லையாயினும் சொல்லி, எப்போதும் பயனற்றவற்றை அவன் கேட்டாலும் சொல்லாது விடுதல் வேண்டும்.
இளையர் இனமுறையர் என்றிகழார் நின்றஒளியோடு ஒழுகப் படும்.
இவர் நம்மைவிட இளையவரென்றும், நமக்கு இன்ன உறவினை உடையவரென்றும் அரசரை அவமதியாது, அவரது உயர்நிலைக்கு ஏற்றவாறு நடத்தல் வேண்டும்.
கொளப்பட்டேம் என்றெண்ணிக் கொள்ளாத செய்யார்துளக்கற்ற காட்சி யவர்.
நிலைபெற்ற அறிவினை உடையவர் அரசனால் நாம் நன்கு மதிக்கப்பட்டோம் என்றெண்ணி அவன் விரும்பாதவற்றைச் செய்யமாட்டார்.
பழையம் எனக்கருதிப் பண்பல்ல செய்யும்கெழுதகைமை கேடு தரும்.
அரசனுக்கு யாம் நீண்டகாலமாகப் பணி செய்கிறோம் என்றெண்ணிப் பண்பற்றவற்றைச் செய்யும் உரிமை அமைச்சர்க்குக் கேடு பயக்கும்.
Chapters
1.கடவுள் வாழ்த்து2.வான்சிறப்பு3.நீத்தார் பெருமை4.அறன் வலியுறுத்தல்5.இல்வாழ்க்கை6.வாழ்க்கைத் துணைநலம்7.மக்கட்பேறு8.அன்புடைமை9.விருந்தோம்பல்10.இனியவை கூறல்11.செய்ந்நன்றியறிதல்12.நடுவு நிலைமை13.அடக்கம் உடைமை14.ஒழுக்கம் உடைமை15.பிறனில் விழையாமை16.பொறையுடைமை17.அழுக்காறாமை18.வெஃகாமை19.புறங்கூறாமை20.பயனில சொல்லாமை21.தீவினையச்சம்22.ஒப்புரவறிதல்23.ஈகை24.புகழ்25.அருளுடைமை26.புலால் மறுத்தல்27.தவம்28.கூடா ஒழுக்கம்29.கள்ளாமை30.வாய்மை31.வெகுளாமை32.இன்னா செய்யாமை33.கொல்லாமை34.நிலையாமை35.துறவு36.மெய்யுணர்தல்37.அவா அறுத்தல்38.ஊழ்39.இறைமாட்சி40.கல்வி41.கல்லாமை42.கேள்வி43.அறிவுடைமை44.குற்றங்கடிதல்45.பெரியாரைத் துணைக்கோடல்46.சிற்றினம் சேராமை47.தெரிந்து செயல்வகை48.வலியறிதல்49.காலமறிதல்50.இடனறிதல்51.தெரிந்து தெளிதல்52.தெரிந்து வினையாடல்53.சுற்றந் தழால்54.பொச்சாவாமை55.செங்கோன்மை56.கொடுங்கோன்மை57.வெருவந்த செய்யாமை58.கண்ணோட்டம்59.ஒற்றாடல்60.ஊக்கம் உடைமை61.மடி இன்மை62.ஆள்வினை உடைமை63.இடுக்கண் அழியாமை64.அமைச்சு65.சொல்வன்மை66.வினைத் தூய்மை67.வினைத்திட்பம்68.வினை செயல்வகை69.தூது70.மன்னரைச் சேர்ந்து ஒழுகல்71.குறிப்பறிதல்72.அவை அறிதல்73.அவை அஞ்சாமை74.நாடு75.அரண்76.பொருள் செயல்வகை77.படை மாட்சி78.படைச் செருக்கு79.நட்பு80.நட்பாராய்தல்81.பழைமை82.தீ நட்பு83.கூடா நட்பு84.பேதைமை85.புல்லறிவாண்மை86.இகல்87.பகை மாட்சி88.பகைத்திறம் தெரிதல்89.உட்பகை90.பெரியாரைப் பிழையாமை91.பெண்வழிச் சேறல்92.வரைவின் மகளிர்93.கள்ளுண்ணாமை94.சூது95.மருந்து96.குடிமை97.மானம்98.பெருமை99.சான்றாண்மை100.பண்புடைமை101.நன்றியில் செல்வம்102.நாணுடைமை103.குடிசெயல் வகை104.உழவு105.நல்குரவு106.இரவு107.இரவச்சம்108.கயமை109.தகை அணங்குறுத்தல்110.குறிப்பறிதல்111.புணர்ச்சி மகிழ்தல்112.நலம் புனைந்து உரைத்தல்113.காதற் சிறப்புரைத்தல்114.நாணுத் துறவுரைத்தல்115.அலர் அறிவுறுத்தல்116.பிரிவு ஆற்றாமை117.படர்மெலிந் திரங்கல்118.கண் விதுப்பழிதல்119.பசப்புறு பருவரல்120.தனிப்படர் மிகுதி121.நினைந்தவர் புலம்பல்122.கனவுநிலை உரைத்தல்123.பொழுதுகண்டு இரங்கல்124.உறுப்புநலன் அழிதல்125.நெஞ்சொடு கிளத்தல்126.நிறையழிதல்127.அவர்வயின் விதும்பல்128.குறிப்பறிவுறுத்தல்129.புணர்ச்சி விதும்பல்130.நெஞ்சொடு புலத்தல்131.புலவி132.புலவி நுணுக்கம்133.ஊடலுவகை
Translations © Central Institute of Classical Tamil, Chennai · CC BY 4.0 · Also available as the Thirukkural Multilingual App
