திருக்குறள் கற்றல் துணைவன்

நட்பு, சினம், கல்வி, உழைப்பு, வாய்மை என எந்தத் தலைப்பைப் பற்றியும் உங்கள் மொழியிலேயே கற்றல் துணைவனிடம் கேட்கலாம்; அதைப் பற்றிப் பேசும் குறள்கள் அவற்றின் மொழிபெயர்ப்பு, தமிழ் உரை, தமிழ் ஒலி வடிவம் ஆகியவற்றுடன் கிடைக்கும்.

உங்கள் வினாவுக்கு மிக நெருக்கமான குறள்கள்

1. குறள் 158 16. பொறையுடைமை
   மிகுதியான் மிக்கவை செய்தாரைத் தாந்தம்தகுதியான் வென்று விடல்.
   Mikudhiyaan Mikkavai Seydhaaraith Thaandham · Thakudhiyaan Vendru Vital
   தமிழ் உரை

   உள்ளச் செருக்கால் தமக்குத் தீமை செய்தவரைத் தாம் தம் பொறையுடைமையால் வெல்லல் வேண்டும்.

   🔊கேட்கஇக்குறள் எல்லா மொழிகளிலும்
2. குறள் 151 16. பொறையுடைமை
   அகழ்வாரைத் தாங்கும் நிலம்போலத் தம்மைஇகழ்வார்ப் பொறுத்தல் தலை.
   Akazhvaaraith Thaangum Nilampolath Thammai · Ikazhvaarp Poruththal Thalai
   தமிழ் உரை

   தன்னைத் தோண்டுவாரைக் கீழே விழாமல் தாங்கிக்கொள்ளும் நிலம்போன்று, தம்மை அவமதிப்பவரையும் பொறுத்தல் தலைசிறந்த அறமாகும்.

   🔊கேட்கஇக்குறள் எல்லா மொழிகளிலும்
3. குறள் 154 16. பொறையுடைமை
   நிறையுடைமை நீங்காமை வேண்டின் பொறையுடைமைபோற்றி யொழுகப் படும்.
   Niraiyutaimai Neengaamai Ventin Poraiyutaimai · Potri Yozhukap Patum
   தமிழ் உரை

   ஒருவன் சான்றாண்மை தன்னிடமிருந்து நீங்காதிருத்தலை வேண்டுவானாயின், அவன் பொறையுடைமையைத் தன்னிடமிருந்து அழியாமல் காத்துக்கொள்ள வேண்டும்.

   🔊கேட்கஇக்குறள் எல்லா மொழிகளிலும்
4. குறள் 159 16. பொறையுடைமை
   துறந்தாரின் தூய்மை உடையர் இறந்தார்வாய்இன்னாச்சொல் நோற்கிற் பவர்.
   Thurandhaarin Thooimai Utaiyar Irandhaarvaai · Innaachchol Norkir Pavar
   தமிழ் உரை

   நன்னெறியைக் கடந்தவரின் கொடிய சொற்களைப் பொறுத்துக் கொள்பவர் இல்லறத்தில் இருப்பவரேனும் துறவியர்போலத் தூய்மை உடையவராவர்.

   🔊கேட்கஇக்குறள் எல்லா மொழிகளிலும்
5. குறள் 153 16. பொறையுடைமை
   இன்மையுள் இன்மை விருந்தொரால் வன்மையுள்வன்மை மடவார்ப் பொறை.
   Inmaiyul Inmai Virundhoraal Vanmaiyul · Vanmai Matavaarp Porai
   தமிழ் உரை

   ஒருவனுக்கு வறுமையுள் வறுமையாவது விருந்தினரை ஏற்றுக்கொள்ளாது நீக்குதல்; அதுபோல, வன்மையுள் வன்மையாவது அறிவில்லாமல் தீமை செய்தவரைப் பொறுத்தல்.

   🔊கேட்கஇக்குறள் எல்லா மொழிகளிலும்
6. குறள் 160 16. பொறையுடைமை
   உண்ணாது நோற்பார் பெரியர் பிறர்சொல்லும்இன்னாச்சொல் நோற்பாரின் பின்.
   Unnaadhu Norpaar Periyar Pirarsollum · Innaachchol Norpaarin Pin
   தமிழ் உரை

   தம்மைப் பிறர் சொல்லும் கொடிய சொற்களைப் பொறுத்துக் கொள்பவர், உணவைத் தவிர்த்து உற்ற நோன்பை மேற்கொள்ளும் பெரியவரினும் பெரியவர் ஆவர்.

   🔊கேட்கஇக்குறள் எல்லா மொழிகளிலும்
7. குறள் 155 16. பொறையுடைமை
   ஒறுத்தாரை ஒன்றாக வையாரே வைப்பர்பொறுத்தாரைப் பொன்போற் பொதிந்து.
   Oruththaarai Ondraaka Vaiyaare Vaippar · Poruththaaraip Ponpor Podhindhu
   தமிழ் உரை

   ஒருவன் தமக்குத் தீமை செய்தபோது அவனை மன்னிக்காது தண்டித்தவரை அறிவுடையார் ஒருபொருளாக மனத்தில் கொள்ளமாட்டார்கள். அவனை மன்னித்தவரைப் பொன்போல் மனத்தில் வைத்துக்கொள்வர்.

   🔊கேட்கஇக்குறள் எல்லா மொழிகளிலும்
8. குறள் 152 16. பொறையுடைமை
   பொறுத்தல் இறப்பினை என்றும் அதனைமறத்தல் அதனினும் நன்று.
   Poruththal Irappinai Endrum Adhanai · Maraththal Adhaninum Nandru
   தமிழ் உரை

   பிறர்செய்த மிகையான தீமையைப் பழிதீர்க்கமுடிந்த காலத்தும் பொறுத்தல் வேண்டும். அத்தீமையை உள்ளத்தில் கொள்ளாது மறந்துவிடல் பொறுத்தலினும் நன்றாம்.

   🔊கேட்கஇக்குறள் எல்லா மொழிகளிலும்
9. குறள் 156 16. பொறையுடைமை
   ஒறுத்தார்க்கு ஒருநாளை இன்பம் பொறுத்தார்க்குப்பொன்றுந் துணையும் புகழ்.
   Oruththaarkku Orunaalai Inpam Poruththaarkkup · Pondrun Thunaiyum Pukazh
   தமிழ் உரை

   தமக்குத் தீங்குசெய்த ஒருவனைத் தண்டித்தலால் விளைவது அவர்களுக்கு ஒருநாள் இன்பமே; அதனைப் பொறுத்துக் கொண்டவர்க்கு உலகம் அழியுமளவும் புகழ் உண்டாம்.

   🔊கேட்கஇக்குறள் எல்லா மொழிகளிலும்
10. குறள் 157 16. பொறையுடைமை
    திறனல்ல தற்பிறர் செய்யினும் நோநொந்துஅறனல்ல செய்யாமை நன்று.
    Thiranalla Tharpirar Seyyinum Nonondhu · Aranalla Seyyaamai Nandru
    தமிழ் உரை

    செய்யத்தகாத கொடிய தீங்கைத் தனக்குப் பிறர் செய்தாலும், அவர்களுக்கு அதனால்வரும் துன்பத்திற்கு வருந்தி அறமல்லாதவற்றை ஒருவன் செய்யாதிருத்தல் நல்லது.

    🔊கேட்கஇக்குறள் எல்லா மொழிகளிலும்
11. குறள் 579 58. கண்ணோட்டம்
    ஒறுத்தாற்றும் பண்பினார் கண்ணும்கண் ணோடிப்பொறுத்தாற்றும் பண்பே தலை.
    Oruththaatrum Panpinaar Kannumkan Notip · Poruththaatrum Panpe Thalai
    தமிழ் உரை

    தமக்குத் தீங்கு விளைக்கும் இயல்புடையாரிடமும் கண்ணோட்டம் உடையராய்க் குற்றத்தைப் பொறுக்கும் பண்பே அரசர்க்குத் தலையாய சிறப்புடையதாகும்.

    🔊கேட்கஇக்குறள் எல்லா மொழிகளிலும்
12. குறள் 344 35. துறவு
    இயல்பாகும் நோன்பிற்கொன்று இன்மை உடைமைமயலாகும் மற்றும் பெயர்த்து.
    Iyalpaakum Nonpirkondru Inmai Utaimai · Mayalaakum Matrum Peyarththu
    தமிழ் உரை

    தவம் செய்யும் துறவிகளுக்கு விரும்பப்படும் பொருள் ஒன்றும் இல்லாமை இயல்பாகும். அவ்வாறின்றி, ஒரு பொருளை உடையவராக இருந்தாலும் அது மீண்டும் மயங்குதற்கு ஏதுவாகும்.

    🔊கேட்கஇக்குறள் எல்லா மொழிகளிலும்
13. குறள் 430 43. அறிவுடைமை
    அறிவுடையார் எல்லா முடையார் அறிவிலார்என்னுடைய ரேனும் இலர்.
    Arivutaiyaar Ellaa Mutaiyaar Arivilaar · Ennutaiya Renum Ilar
    தமிழ் உரை

    அறிவுடையார் வேறொன்றும் இல்லாதாராயினும் எல்லாம் உடையவர்; அறிவிலார் பிறவெல்லாம் உடையராயினும் ஒன்றும் இல்லாதவராவர்.

    🔊கேட்கஇக்குறள் எல்லா மொழிகளிலும்
14. குறள் 592 60. ஊக்கம் உடைமை
    உள்ளம் உடைமை உடைமை பொருளுடைமைநில்லாது நீங்கி விடும்.
    Ullam Utaimai Utaimai Porulutaimai · Nillaadhu Neengi Vitum
    தமிழ் உரை

    ஒருவனுக்கு ஊக்கமுடைமையே நிலைத்த உடைமை ஆகும்; பொருளுடைமை நிலையற்று நீங்கிப்போகும்.

    🔊கேட்கஇக்குறள் எல்லா மொழிகளிலும்
15. குறள் 301 31. வெகுளாமை
    செல்லிடத்துக் காப்பான் சினங்காப்பான் அல்லிடத்துக்காக்கின்என் காவாக்கால் என்?
    Sellitaththuk Kaappaan Sinangaappaan Allitaththuk · Kaakkinen Kaavaakkaal En?
    தமிழ் உரை

    தன் சினம் பலிக்குமிடத்தில் அதனை எழாமல் காப்பவனே அருளால் காப்பவன் ஆவான். அவ்வாறின்றி, அது பலியாத இடத்து அதனைத் தடுத்தாலென்ன; தடுக்காவிட்டாலென்ன?

    🔊கேட்கஇக்குறள் எல்லா மொழிகளிலும்
16. குறள் 72 8. அன்புடைமை
    அன்பிலார் எல்லாம் தமக்குரியர் அன்புடையார்என்பும் உரியர் பிறர்க்கு.
    Anpilaar Ellaam Thamakkuriyar Anputaiyaar · Enpum Uriyar Pirarkku
    தமிழ் உரை

    உள்ளத்தில் அன்பு இல்லாதவர் எல்லாப் பொருள்களையும் தமக்கே உரியனவாகக் கொள்வர்; அன்புடையவரோ அவருடைய பொருள்கள் யாவற்றோடும் தம் உடம்பினையும் பிறர்க்கு உரியனவாக ஆக்குவர்.

    🔊கேட்கஇக்குறள் எல்லா மொழிகளிலும்
17. குறள் 130 13. அடக்கம் உடைமை
    கதங்காத்துக் கற்றடங்கல் ஆற்றுவான் செவ்விஅறம்பார்க்கும் ஆற்றின் நுழைந்து.
    Kadhangaaththuk Katratangal Aatruvaan Sevvi · Arampaarkkum Aatrin Nuzhaindhu
    தமிழ் உரை

    உள்ளத்தில் சினம் தோன்றாமல் காத்துக் கல்வி அறிவு உடையவனாய் அடங்குதலைச் செய்யும் வல்லமை பெற்றவனை அறமானது அவனை அடையும் வழியில் சென்று பார்க்கும்.

    🔊கேட்கஇக்குறள் எல்லா மொழிகளிலும்
18. குறள் 426 43. அறிவுடைமை
    எவ்வ துறைவது உலகம் உலகத்தோடுஅவ்வ துறைவ தறிவு.
    Evva Thuraivadhu Ulakam Ulakaththotu · Avva Thuraiva Tharivu
    தமிழ் உரை

    உலகம் எவ்வாறு ஒழுகுகின்றதோ அவ்வாறு உலகத்தோடு ஒட்டி ஒழுகுவதே அறிவுடைமையாகும்.

    🔊கேட்கஇக்குறள் எல்லா மொழிகளிலும்
19. குறள் 427 43. அறிவுடைமை
    அறிவுடையார் ஆவ தறிவார் அறிவிலார்அஃதறி கல்லா தவர்.
    Arivutaiyaar Aava Tharivaar Arivilaar · Aqdhari Kallaa Thavar
    தமிழ் உரை

    பின் வரப்போவதை முன்னே அறிய வல்லவர் அறிவுடையார்; அதனை முன்னறியமாட்டாது வந்தபின் அறிவார் அறிவற்றவர்.

    🔊கேட்கஇக்குறள் எல்லா மொழிகளிலும்
20. குறள் 79 8. அன்புடைமை
    புறத்துறுப் பெல்லாம் எவன்செய்யும் யாக்கைஅகத்துறுப்பு அன்பி லவர்க்கு.
    Puraththurup Pellaam Evanseyyum Yaakkai · Akaththuruppu Anpi Lavarkku
    தமிழ் உரை

    உடலின் அகத்துறுப்பாகிய அன்பு இல்லாதார்க்கு, புறத்துறுப்புகள் எல்லாம் என்ன உதவியைச் செய்யும்?

    🔊கேட்கஇக்குறள் எல்லா மொழிகளிலும்

உங்கள் சொற்கள், இந்த இணையதளத்தின் சொந்தத் திருக்குறள் மொழிபெயர்ப்புகளோடும் உரைகளோடும் பொருத்திப் பார்க்கப்படுகின்றன. கற்றல் துணைவன் தானாக எதையும் எழுதுவதில்லை; உங்கள் வினா இந்த இணையதளத்திலேயே இருக்கும். இதை 23 மொழிகளிலும் கட்டணமின்றிப் பயன்படுத்தலாம்.

மொழிபெயர்ப்புகள் © செம்மொழித் தமிழாய்வு மத்திய நிறுவனம், சென்னை · CC BY 4.0